देशभर थप ५९१ जनामा कोरोना पुष्टि

११ कार्तिक, काठमाडौं । पछिल्लो २४ घण्टामा देशभर थप ५९१ जनामा कोरोना संक्रमण पुष्टि भएको छ । सो अवधिमा कोरोना संक्रमणबाट २ जनाको मृत्यु भएको छ भने ६६४ जना निको भएका छन् ।

स्वास्थ्य मन्त्रालयका अनुसार ८ हजार ४ सय ४८ जनाको पीसीआर परीक्षण गर्दा ५२७ जना र २ हजार ५ सय ७ जनाको एन्टिजेन परीक्षण गर्दा ६४ जना गरी ५९१ जनामा कोरोना भाइरसको संक्रमण देखिएको हो ।

मन्त्रालयका अनुसार ९ हजार ४१४ जना होम आइसोलेसनमा रहेका छन् भने ८२२ जना संस्थागत आइसोलेसनमा रहेका छन् । कोरोनाका बिरामीमध्ये २४८ जना आईसीयू र ८०१जना भेन्टिलेटरमा उपचाररत् छन् ।

हाल देशभर सक्रिय संक्रमितको संख्या १० हजार २३६ जना रहेका छन् ।