नवलपुरमा कृत्रिम मालाको व्यापार फस्टाउदै

१९ कार्तिक, नवलपुर । नेपालीहरुको दोस्रो चार्ड शुभ दिपावलीको अवसरमा नवलपुरमा कृत्रिम मालाको व्यापार फस्टाएकाे छ । मालाको व्यापारसँगै बजारमा  मानिसको चहलपहल वढ्दो रहेको छ ।

तिहारको माैका पारी आवश्यक पर्ने सामाग्रीहरु किनमेलको लागि वजारमा घुइचो लाग्ने गरेको छ । नवलपुरको कावासोतीमा कृत्रिम माला भित्रिएसगै वजार झिलिमिलि देखिएको छ भने कृत्रिम मालाको व्यापार पनि राम्रो हुने व्यापारिहरु वताउँछन ।

पछिल्लो समय हजारी, मखमली, गुरधौली जस्ता फूलहरुको उत्पादन कमिसंगै वजारमा प्रशस्त कृत्रिम माला भित्रिएको जनाइएको छ । तिहारलाई सप्तरंगी टिका र सयपत्री अनि मखमली फूलको माला लगाउने पर्वका रुपमा मान्ने गरिन्छ । प्राकृतिक फूलको उत्पादन कमिसंगै कृत्रिम मालाको आयात वढ्दै गएको कावासोतीका व्यापारी तिलक सापकोटाले बताए ।

हेर्दा आकर्षक ,थरीथरीका रङहरुमा वनाएका ‘नक्कली ’कृत्रिम माला नवलपुरको कावासोतीमा भित्रिएको सापकोटाले वताउनु भयो । तिहारका लागि घरघरमा लगाईने हजारी, सयपत्री र मखमली जस्ता फूलहरुको व्यवसायिक खेति नहुनु तर जनसंख्या भने बढ्दै जाँदा टिका लगाउने संख्या बढेकोले कृतिम मालाको माग बढेको सापकोटाको भनाई छ ।

प्राकृतिक फूलहरुको अभावमा मानिसहरु नचाँहादा नचाहाँदै पनि कृत्रिम माला किन्न बाध्य भएका छन् । दाजुभाई तथा दिदी बहिनीलाई लगाई दिने मालाको अभावमा कृतिम मालाको माग बढेको हो । शहरका ठेला देखि सटर अनि पसलहरुसम्म व्यापार भएको छ ।

व्यावसायिक रुपमा गरिएको फूल खेति र घरघरमा लगाएका फूलहरु मौसमका कारण प्रभावित हुँदा कृत्रिम माला माथिको निर्भरता बढेको सर्वसाधरण सिता चापागाईले बताए । ‘घरमा लगाएको फूलहरु यसपालि चाँडै नफुल्ने भयो , प्राकृतिक फूल छोडेरकृतिम माला लगाउनु रहर हैन बाध्यता हो । ’ उनले भनिन् ‘ फूल नरोपेको , माहुरी र पुतली नझुमेको आँगनको शोभा नै हुँदैन ।’ उनका अनुसार कतिपय जाँगर नभएका अल्छिहरुले घरमा माला उन्ने र कष्टगर्नुको सट्टा बजारमा किन्न पाईने तर कृतिम तयारी फुलका माला किनेर लैजाने गरेको बताइन । घरको शोभाको लागि मात्रै भएपनि हरेकले दुई÷चार वोट पुष्टका बोटहरु रोप्न जरुरी रहेको उनले बताइन ।