नेपाल आफ्नो बजार गुमाउँदै, भारतको बजारले जनता चरम मारमा
नेपालबहस संवाददाता
मंसिर ४, २०७८ शनिबार २२:४९:५४
नेपाल अहिले उपभोग्य वस्तुमा पनि आत्मनिर्भर हुन छाडेको छ । मेसिनरी सामग्री त नेपालमा उत्पादन हुँदैन नै कृषि क्षेत्रबाट उत्पादन हुने दैनि उपयोग्य वस्तु पनि आवश्यकता पूरा हुन सक्ने अवस्था छैन । अहिले नेपालमा उत्पादन हुने चामलले आन्तरिक माग पूरा गर्न सक्दैन । चामल भारतबाट आयात भइरहेको छ ।
वर्षेनी करोडौंको चामल आयात भइरहेको छ । चामल मात्रै होइन दैनिक उपभोग हुने हरियो तरकारी पनि नेपालले पुर्याउन सकेको छैन । नेपालमा उत्पादनै भए पनि भारतबाट अत्यधिक आयात हुनाले नेपाली बजारमा भारतीय सामग्रीले नै प्राथमिकता पाउँदै आएको छ । बेमौसमी वर्षाको कारण देखाउँदै व्यापारीले उपभोग्य सामग्रीको मूल्य बढाएका छन् र भारतीय सामग्री बेच्नमै प्राथमिकता दिइरहेका छन् ।
चाडबाड सिद्धिन नपाउँदै उपभोग्य सामग्रीको बजार भाउ आकाशिएको छ । अहिले हरेक सामानको मूल्य तीन गुणाले बढेको छ । उपभोक्ताहरुलाई आफ्नो चुल्होमा चाहिने सामान आकाशिएको आभास भइसकेको छ । बजारमा व्यापारीहरुले मनलाग्दी सामानको मूल्य तोकेर जनतालाई ठगिरहे पनि यसको अनुगमन सरकारले गरेको छैन ।
कालिमाटी तरकारी तथा फलफूल बजारमा पनि हरियो तरकारी र फलफूल छोइनसक्नु भएको छ । तीनकुने र धुम्बाराहीका व्यापारीले पनि तरकारीको मूल्य ह्वात्तै बढाएका छन् । किसानसँग बिचौलियाले सस्तोमा तरकारी उठाउँछन्, उपभोक्तालाई भने चर्को मूल्य लिने गरेका छन् ।
सर्वसाधारण व्यापारीको कृतिम मूल्यवृद्धिबाट आजित बन्दै आएका छन् । उपभोक्ताका साथै नेपाली उत्पादक पनि ठगिँदै आएका छन् । तरकारीका होलसेल व्यापारीहरु मुलुकमा फलेको तरकारी पानीले बिगारेको र बाहिरबाट आयात गर्न परेकाले मँहगो भएको बताउँछन् । उता तरकारी कृषकबाट सस्तोमा लिने गरेका छन् । भारतीय उत्पादनको ठूलो आयातका कारण विभिन्न निहुँमा कृषकलाई मूल्यमा ठग्ने र त्यसैगरी उपभोक्तलाई ठग्ने गरेका छन् । नेपालको बजारको अवस्थालाई हेर्दा लाग्छ नेपाल नेपालको आफ्नो उत्पादनको बजार नभएर भारतीय उत्पादनको बजार हो ।
सरकारले नेपालमा कुन सामग्री कति उत्पादन हुन्छ, नभएका सामग्री कहाँबाट आयात गरिन्छ ? मूल्य कति छ ? अन्तर्राष्ट्र्यि बजार भाउ कति छ ? तुलनात्मक रुपमा कहाँबाट आयात गर्दा सस्तो पर्छ भन्ने कुरा ख्याल गरेको देखिन्न । सुशासन भनेको बजार व्यवस्थापन पनि हो । त्यतातिर कुनै पनि सरकारले ध्यान दिने गरेका छैनन् । कहिलेकाहीं बजार अनुगमन गर्ने घोषणा गर्छ, केही स्थानमा छापा मारेको पनि बताउँछ तर बजारमा कहिल्यै पनि सुधार आएको छैन ।
व्यापारीहरुले जहिले पनि जतिबेला पनि मूल्य बढाउने, सरकारले बेवास्ता गर्ने भए पनि उपभोक्ता संरक्षण अभियानकर्ताहरु पनि मौन देखिएका छन् । सरकारलाई यस विषयमा दह्रो दबाब नदिएसम्म नेपालको बजार सुध्रिने छैन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपलोकतन्त्र दिवसको सान्दर्भिकता
बैशाख ११, २०८१ मंगलबार
लोकतन्त्रमा लोकको कल्याण होस्
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
सुनिल पौडेललाई थुनामा राख्न विशेष अदालतको आदेश
बैशाख १३, २०८१ बिहिबार
टोपबहादुर रायमाझीलाई थुनामै राख्न सर्वाेच्चको आदेश
बैशाख १३, २०८१ बिहिबार
निजी क्षेत्रको मनोबल उकास्न सरकारले महत्वपूर्ण निर्णय गर्छ : अर्थमन्त्री पुन
बैशाख १३, २०८१ बिहिबार
मुख्यमन्त्री कार्कीसँग बहुमत नरहेको पत्र प्रदेश प्रमुखलाई पठाइयो
बैशाख १३, २०८१ बिहिबार
जसपाले बोलायो केन्द्रीय कार्यकारिणी समितिको बैठक
बैशाख १३, २०८१ बिहिबार
कर्णालीका मुख्यमन्त्री कँडेलले पाए विश्वासको मत
बैशाख १३, २०८१ बिहिबार