जीवन विकास र महिला लघुवित्तको वित्तीय अवस्थालाई तुलना गर्दा कुन सूचकमा कुन बलियो ?

१० मंसिर, काठमाडौं ।शेयरबजारमा उच्च शेयरमूल्य भएको महिला लघुवित्त र जीवन विकास लघुवित्तको पहिलो त्रैमासको वित्तीय अवस्थालाई तुलना गर्दा कुन कम्पनीको कुन सूचक राम्रो ।

उक्त विवरणको आधारमा कुन सुचकमा कुन लघुवित्त बलियो रहेको छ। सोही विषयलाई चर्चा गरिरहेका छौं ।

शेयरमूल्य कुनको कति ?

मंसिर दश गतेको दिनसम्म जीवन विकास लघुवित्तको शेयरमूल्य ४ हजार ४५५ रुपैयाँ रहेको छ । त्यस्तै, महिला लघुवित्तको शेयरमूल्य ५ हजार चार सय रुपैयाँ रहेको छ । यस दिनसम्मको शेयरमूल्यलाई आधार मान्दा महिला लघुवित्तको शेयरमूल्य धेरै छ ।

चुक्ता पूँजीको आधारमा

चुक्ता पूँजीको आधारमा जीवन विकास लघुवित्त महिला लघुवित्त भन्दा अगाडी छ । चालु आर्थिक वर्षको पहिलो त्रैमाससम्म आइपुग्दा जीवन विकास लघुवित्तको चुक्ता पूँजी ६० करोड ८४ लाख रूपैयाँ छ । यता महिला लघुवित्तको चुक्ता पूँजी भने १० करोड रूपैयाँ छ ।

जगेडा कोषको आधारमा

असोज मसान्तसम्ममा जीवन विकास लघुवित्तको जगेडा कोषमा एक अर्ब ४९ करोड रुपैयाँ सञ्चित छ । यता महिला लघुवित्तको जगेडा कोषमा २२ करोड ९४ लाख रूपैयाँ सञ्चित छ । जगेडा कोषमा पनि जीवन विकास लघुवित्त नै अब्बल छ ।

मुनाफाको आधारमा

चालु आर्थिक वर्षको पहिलो त्रैमाससम्म जीवन विकास लघुवित्त वित्तीय संस्था लिमिटेडले १७ करोड ६६ लाख रुपैयाँ मुनाफा आर्जन गर्न सफल भएको छ । यता महिला लघुवित्त वित्तीय संस्था लिमिटेडले २ करोड ८६ लाख रुपैयाँ खुद नाफा आर्जन गरेको छ ।

खुद व्याज आम्दानी

असोज मसान्तसम्ममा जीवन विकास लघुवित्तले ३८ करोड ३४ लाख ११ हजार रुपैयाँ खुद व्याज आम्दानी गरेको छ । महिला लघुवित्त वित्तीय संस्था लिमिटेडले ६ करोड ५५ लाख रुपैयाँ खुद व्याज आम्दानी गरेको छ । यो सूचकमा पनि जीवन विकास लघुवित्त अघि छ ।

सञ्चालन नाफा

महिला लघुवित्त वित्तीय संस्था लिमिटेडले १ करोड ९३ लाख रुपैयाँ सञ्चालन मुनाफा गर्दा जीवन विकास लघुवित्तले १५ करोड ८३ लाख रूपैयाँ सञ्चालन मुनाफा गरेको छ ।

प्रतिशेयर आम्दानी

असार मसान्तसम्म जीवन विकास लघुवित्तको प्रतिसेयर आम्दानी ११६ रूपैयाँ ११ पैसा पुगेको छ । यता महिला लघुवित्तको प्रतिसेयर आम्दानी ११४ रुपैयाँ ७१ पैसा रहेको छ ।

प्रतिशेयर नेटवर्थ

चालु आर्थिक वर्षको पहिलो त्रैमाससम्म महिला लघुवित्तको प्रतिशेयर नेटवर्थ ३२८ रुपैयाँ ९४ पैसा पुग्दा जीवन विकास लघुवित्तको प्रतिसेयर नेटवर्थ ३७१ रूपैयाँ ७७ पैसा रहेको छ ।

मूल्य आम्दानी अनुपात (पीइ रेसियो)

महिला लघुवित्तको मूल्य आम्दानी अनुपात ४५.८५ गुणा रहेको छ । जीवन विकास लघुवित्त मूल्य आम्दानी अनुपात ३९.२३ गुणा रहेको छ ।