सिन्धुलीका अधिकांश पालिका र वडा कार्यालय आफ्नै भवनमा
नेपालबहस संवाददाता
मंसिर १३, २०७८ सोमबार २१:१:५९
१३ मंसिर, काठमाडौं । सिन्धुलीका अधिकांश पालिका र वडाले आफ्नै कार्यालय भवन निर्माण गरेका छन् । भाडाका घरमार्फत सेवा दिने कार्यालयहरूले पनि कार्यालय भवन निर्माण धमाधम गरिरहेको बताएका छन् ।
आफ्नै कार्यालय भवन नभएको घ्याङ्लेख गाउँपालिकाले भवन निर्माणका लागि ठेक्का सम्झौता भइसकेको जनाएको छ । घ्याङ्लेख गाउँपालिकाका अध्यक्ष जगतबहादुर भोलनका अनुसार चालु आर्थिक वर्षको मसान्तसम्ममा सक्ने गरी भवन निर्माण ठेक्का सम्झौता भएको छ । तर, विवादका कारण भवन निर्माण भने कार्य सुरु नै नभएको अध्यक्ष भोलनले बताए । ६२ लाख लागतमा भवन निर्माण हुने गरी सम्झौता भएको छ । हाल पालिका विद्यालय भवनबाट संचालित छ ।
तीनपाटन गाउँपालिकाको कार्यालय भवन पनि धमाधम निर्माण भइरहेको छ । धमाधम भवन निर्माण भइरहेको तीनपाटन गाउँपालिकाका अध्यक्ष कर्णबहादुर मगरले बताए । २५ असार २०७९ भित्र निर्माण सम्पन्न गर्ने गरी एमएम-पाएन्स जेभीसँग सम्झौता भएको छ ।
दुधौली नगरपालिकाको कार्यालय भवन निर्माण अन्तिम चरणमा पुगेको नगरपालिकाका मेयर घनश्याम राउतले बताए । मंसिरमै नगरपालिकाको कार्यालय आफ्नै भवनबाट संचालन हुने उनको भनाइ छ ।
सुनकोशी गाउँपालिकाको कार्यालय भवन पनि धमाधम निर्माण भइरहेको गाउँपालिकाकी अध्यक्ष दिपा दाहालले बताइन् । ८० प्रतिशत सम्पन्न भइसकेको छ । दाहालका अनुसार आफ्नो कार्यकालभित्र पालिकाको कार्यालय भवन निर्माण भइसक्नेछ ।
फिक्कल गाउँपालिकाको कार्यालय पक्की भवन निर्माणका लागि ठेक्का सम्झौता भइसकेको फिक्कल गाउँपालिकाका अध्यक्ष धनबहादुर कार्कीले बताए । उनका अनुसार संघ र प्रदेशको सहयोगमा पालिकाको कार्यालय भवन निर्माण हुन लागेको हो । हाल रहेको कार्यालय भवन पनि पालिकाको आफ्नै हो । भवन साँघुरो भएका कारण पक्की भवन निर्माण गर्हुन लागेको हो ।
गोलन्जोर गाउँपालिकाले भने भाडाको भवनमार्फत कार्यालय सन्चालन गरिरहेको छ । गाउँपालिकाले हालसम्म पनि भवन निर्माण सुरु गरेको छैन् । कमलामाई नगरपालिका, हरिहरपुरगढी र मरिण गाउँपालिकाले भने आफ्नै भवनमा कार्यालय सन्चालन गरिरहेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकाठमाडौं महानगरका सामुदायिक विद्यालयमै फोहाेर व्यवस्थापन गर्ने प्रणाली कार्यान्वयन हुँदै
बैशाख १२, २०८१ बुधबार
काभ्रेमा तामाङ युवाको सक्रियतामा छ्योर्तेन निर्माण
बैशाख ११, २०८१ मंगलबार
चितवन माछा, मासु, दूध र अण्डामा आत्मनिर्भर
बैशाख ९, २०८१ आइतबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
नेप्सेमा सामान्य गिरावट, २ अर्बभन्दा बढीको कारोबार
बैशाख १३, २०८१ बिहिबार
वैदेशिक रोजगारमा पठाइदिन्छु भन्दै ठगी गर्ने दुई जना पक्राउ
बैशाख १३, २०८१ बिहिबार
गण्डकीका शहरी क्षेत्रमा विद्युतीय सवारीसाधनको प्रयोग बढ्दो
बैशाख १३, २०८१ बिहिबार
उपनिर्वाचनलाई जातीय र धार्मिक दृष्टिले हेरिए सुरक्षामा चुनौती बढ्ने प्रहरीको विश्लेषण
बैशाख १३, २०८१ बिहिबार
बलिउड अभिनेत्री तमन्नालाई बयानका लागि बोलाइयो
बैशाख १३, २०८१ बिहिबार
कुटपिटबाट मृत्यु भएको घटनामा संलग्न रहेको अभियोगमा ११ जना पक्राउ
बैशाख १३, २०८१ बिहिबार