एभरेष्ट बैंकको लाभांश पाउन कहिलेसम्म किन्ने शेयर ?

१५ मंसिर, काठमाडौं । एभरेष्ट बैंकको लाभांश सुरक्षित गर्ने अन्तिम दिन बिहीवारसम्म रहेको छ ।

कम्पनीले साधारण सभा र लाभांश वितरण प्रयोजनको लागि शेयरधनीदर्ता पुस्तिका मंसिर १७ गते बन्द गर्ने भएसँगै बिहीवार (मंसिर १६ गते) सम्म कायम शेयरधनीले साधारण सभामा भाग लिन र लाभांश पाउनेछन् ।

कम्पनीले गत आवको मुनाफबाट शेयरधनीलाई ६ प्रतिशत बोनस शेयर र ४ दशमलव ३२ प्रतिशत नगद लाभांश कर समेत वितरण गर्ने प्रस्ताव गरेको हो ।

यो प्रस्ताव पारितका लागि कम्पनीले आगामी पुस १ गते साधारण सभा बोलाएको छ । सभा बिहान ११:३० बजे एभरेष्ट बैंक लिमिटेड केन्द्रिय कार्यालय लाजिम्पाटमा गर्ने जानकारी दिएको छ ।