‘बैंक अफ दि इयर–२०२१ एशिया अवार्ड’ एनएमबि बैंकको पोल्टामा

१५ मंसिर, काठमाडौं । एनएमबि बैंकले बैंक अफ दि इयर २०२१ एशिया अवार्ड हात पारेको छ । बेलायतको द फाइनान्सियल टाइम्सले प्रकाशित गर्ने द बैंकर म्याग्जिनले प्रदान गर्दै आएको यो अवार्ड नेपाली बैंकले पाएको पहिलो अवसर हो ।

बुधबार राजधानीमा आयोजित कार्यक्रममा अवार्ड प्राप्त गरेको जानकारी दिइयो । बैंकका सीइओ सुनिल केसीले यो अवार्ड नेपालका सबै बैंकको जित भएको बताए । अवार्डको प्रतिष्पर्धामा एशियाका ४८ वटा देशका बैंकहरु सहभागी थिए ।

एनएमबि बैंकले इतिहास रच्दै एशियाको सर्वोत्कृष्ट बैंक बन्न सफल भएकोमा खुसी व्यक्त गरेको छ ।