एक हजार महिलालाई ‘इम्ब्रोइडरी थाङ्का’ तालिम

१६ मंसिर, काठमाडौं । एकहजार नेपाली महिलालाई रोजगारी दिने उद्देश्यले ‘इम्ब्रोइडरी थाङ्का’ तालिमको सुरूवात भएको छ ।
नेपाल विश्वकर्मा आर्टस् एण्ड क्राफ्ट्स प्रालि, बौद्धले उक्त तालिमको सुरूवात गरेको हो । कपडामा विभिन्न रंगका धागोले इम्ब्रोइडरी गरी बनाइने थाङ्का तालिमको उद्घाटनका लागि चीनका प्रशिक्षकहरू भर्चुअल माध्यमबाट जोडिएका थिए ।

सो प्रालिमार्फत चीनका प्रशिक्षकहरुले नेपाली महिला÷किशोरीलाई तालिम दिएर उत्पादन भएका सामग्री बजारीकरणका लागि चीनियाँ नागरिक ढोमा घ्यापले सहकार्य गर्ने नेपाल विश्वकर्मा आर्ट्स प्रालिका व्यवस्थापक दावा लामाले जानकारी दिए ।

उनले हातले कपडामा बुट्टा भर्ने यस तालिममा सहभागीलाई ६ महिनासम्म प्रशिक्षण दिने बताए । काम सिकेपछि कार्यालयमा आएर काम गर्न चाहनेका लागि रोजगारी दिने र नचाहनेले घर–घरमै आफ्नो घरायसी काम सकेर बुनेर दिन सक्छन्, त्यसको उचित मुल्य पाउने उनले बताए । थाङ्का बनाउन कच्चा पदार्थ पनि कम्पनीले नै व्यवस्था गर्ने व्यवस्थापक लामाले बताए । कोभिड–१९ सुरू हुनुभन्दा अगाडि नै तालिम दिने तयारी गरिएकोमा महामारीका कारण रोकिएकोले तालिमको उद्घाटन गरिएको प्रालिले जनाएको छ ।

नेपालमै प्रार्दुभाव भई लोपोन्मुख स्थितिमा रहेको ईम्व्रोईडरी थान्कालाई चाईनामा संरक्षण र पुर्नजागरणपछि नेपाल र नेपाली जनता माझ पुर्नस्थपित गर्न पहिलो चरणमा तालिम दिने र त्यसबाट उत्कृष्टलाई रोजगरी दिईने तय भएको छ । क्राफ्टसका सम्पर्क अधिकृत दावा लामा भन्छन्, ‘तालिमका आवश्यक कच्चा पदार्थ, ठाउँ र प्रशिक्षक समेत ईम्व्रोईडरी थान्का चाईनाले उपलव्ध गराउने छ ।

‘विशेषगरी वेरोजगार महिलाको उत्थान र लोपोन्मुख ईन्ब्रोईडरी थान्का प्रविधिको प्रवद्र्धनका लागि नेपाली विद्यार्थीहरुबाट उत्पादित थान्कालाई कोरोना लक दाउन अगाडि पोखरा, ललितपुरको पाटन दरवार, भगवान बुद्धको जन्मस्थल लुम्विनीमा प्रर्दशन भैसकेको फोटो संयोजक विनोद कार्कीले जानकारी गराए ।

तालिम प्राप्त पछि घर घरैमा बसि थान्का बनाउन सकिने छ भने ईम्व्रोईडरी थान्का एक लाख ५० हजार देखि ५० लाखसम्मको हुने हुदाँ पनि घरायसी महिलाको लागि यो ठुलो अवसर भएको बताईयो ।