एआईजी पोखरेल आईजीपीलाई थाहा नदिई सुटुक्क भारततिर
नेपालबहस संवाददाता
मंसिर १८, २०७८ आइतबार ५:३५:१७
१८ मंसिर, काठमाडौं । नेपाल प्रहरीका अतिरिक्त महानिरीक्षक ९एआईजी० विश्वराज पोखरेल प्रहरी प्रधान कार्यालयको अनुमति बेगर सुटुक्क भारत भ्रमणमा निस्केका छन् । भावी आईजीपीको दाबी गरिरहेका पोखरेल अनुमतिबिना नै भारत भ्रमणमा निस्केका हुन् ।
‘एसएसपी हुँदा भारतस्थित नेपाली राजदूतावासमा सरुवा हुँदा पनि नगएका पोखरेल बिहीबार भारत गएका हुन् उनको बिदा भने स्वीकृत भएको छैन’, प्रहरी प्रधानकार्यालय स्रोतले भन्यो । स्रोतका अनुसार बिहीबार सौर्य एयरलाइन्सबाट झापा हुँदै उनी भारत लागेका हुन् । झापाबाट भारतको बागडोगरा विमास्थल हुँदै उनी हैदारावादतर्फ लागेको प्रहरी प्रधान कार्यालयका एकजना उच्च अधिकृतले बताए । प्रहरी महानिरीक्षक शैलेश थापा क्षत्रीको अवकाशपछि महानिरीक्षक हुने प्रतिस्पर्धामा रहेका एआईजीको भारत भ्रमणलाई महत्वका साथ हेरिएको छ ।
आईजीपी थापा इन्टरपोलको सभाबाट नेपाल आएलगत्तै उनी भारततर्फ जानुलाई आश्चर्यको रुपमा लिइएको छ । ‘नेपालस्थित भारतीय दूतावास र नेपालस्थित ‘रअ’ का प्रमुख राघव भाटनागरसँग पनि बेलाबखत भेटघाट गरिरहने एआईजी पोखरेल भारत गएका हुन्’, प्रहरी प्रधानकार्यालय स्रोतले भन्यो । आईजीपी क्षेत्री र उनका ब्याचमेटहरु ०७९ वैशाख १९ मा अनिवार्य अवकाशमा जाँदै छन् ।
उनको अवकाशपछि आईजीपी बन्न विश्वराज पोखरेल र सहकुल थापाको बीचमा प्रतिस्पर्धा भइरहेको छ । एआईजी पोखरेल र थापालाई केपी शर्मा ओली नेतृत्वको सरकारले नयाँ दरबन्दी सिर्जना गरेर एआईजीमा बढुवा गरेको भन्दै संगठनमा आलोचना हुँदै आएको भएपनि उनी पोखरेल भने ढुक्क रहेका छन् । बालुवाटारस्थित प्रधानमन्त्री पत्नी आरजु देउवा र गृहमन्त्री बालकृष्ण खाणकी पत्नी मञ्जु खाँणसँगको तीन पटकको बसाइपछि उनी ढुक्क भएको स्रोतको दाबी छ ।
तत्कालीन प्रहरी महानीरिक्षक उपेन्द्रकान्त अर्याल, तत्कालीन अख्तियार प्रमुख नवीन घिमिरे, बहालवाला प्रधानन्यायधीश चोलेन्द्रशमशेर राणा र तत्कालीन उपप्रधान तथा रक्षा मन्त्री र्इश्वर पोखरेलको आडमा बढुवा हुँदै आएका एआईजी पोखरेलले अहिले प्रधानमन्त्री शेरबहादुर देउवा पत्नी आरजु राणा र गृहमन्त्री पत्नी मञ्जु खाँणलाई आफ्नो पक्षमा वकालत गर्ने तहमा पुर्याइसकेको छन् । ‘अहिले उहाँ ढुक्क हुनुहुन्छ, प्रधानमन्त्री कार्यालयबाट आएको सरुवा र बढुवाको सूचीमा आर्इजीपीलाई पनि नसोधी सही गर्दिनुहुन्छ’, मानव स्रोत विभागमा रहेका एक प्रहरी अधिकृतले भने । प्रहरी प्रधानकार्यालय स्रोतका अनुसार आईजीपी शैलेश थापालाई समेत बाइपास गरिरहेका एआइजी पोखरेल आफू प्रधानकार्यालयबाट बाहिर ननिस्कने आफूलाई भेट्न यहीँ आउनुपर्छ भन्दै आएका थिए ।
तर उनी भने पटकपटक होटल भिभान्तमा ‘रअ’ प्रतिनिधिहरुसँग भेटघाट गरिरहेको पनि स्रोतले जनाएको छ । पछिल्लो पटक नेपाल प्रहरीको सरुवा र बढुवामा बालुवाटार हावी भएको भन्दै केही प्रहरी अधिकृतहरुले गरेको गुनासोमा प्रधानमन्त्री नै बालुवाटारमा छन् उताबाट आएको सूचीलाई पन्छाउने कसको आँट भन्दै गुनासो गर्न गएका प्रहरी अधिृकतलाई फर्काएका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपजीवन चलाउने कि प्रहरीका उच्च अधिकारी खेलाउने ? सुनौँ अडियो
चैत ५, २०८० सोमबार
विनोद चौधरीलाई पक्राउ गर्ने सीआईबीको तयारी
चैत ४, २०८० आइतबार
काली कम्बल वाले बाबा फरार, आयोजकलाई समात्न खोज्दा झडप
आबिद हुसेन
चैत ४, २०८० आइतबार
विनोद चौधरीलाई पक्राउ गर्ने सीआईबीको तयारी
नेपालबहस संवाददाता
चैत ४, २०८० आइतबार
जीवन चलाउने कि प्रहरीका उच्च अधिकारी खेलाउने ? सुनौँ अडियो
नेपालबहस संवाददाता
चैत ५, २०८० सोमबार
प्रचण्ड झण्डैझण्डै दुर्घटना परिसकेका थिएः नेपाल
नेपालबहस संवाददाता
चैत ३, २०८० शनिबार
जीवन चलाउने कि प्रहरीका उच्च अधिकारी खेलाउने ? सुनौँ अडियो
चैत ५, २०८० सोमबार
हुण्डीको कारोबारामा संलग्न रहेको आरोपमा वीरगञ्जबाट एक जना पक्राउ
चैत ५, २०८० सोमबार
बन्दुकसहित दुर्गा प्रसाईंका सुरक्षा गार्ड पक्राउ
चैत ५, २०८० सोमबार
मंगलबार यी मन्त्रको जप गर्नुहोस्, दुःखबाट मुक्ति मिल्नेछ
चैत ६, २०८० मंगलबार
साँच्चै नेपालले आफ्नो हित अनुभूत गने गरी भरतले सहकार्यको नीति अंगीकार गर्ला ?
चैत ६, २०८० मंगलबार
दैनिक हनुमान चालिसा पाठ गर्नुहोस्, जीवनमा आश्चर्यजनक लाभहरू पाउनुहुनेछ
चैत ६, २०८० मंगलबार
आचार्य चाणक्यका अनुसार यी व्यक्तिको घरमा पैसाको कमी हुँदैन
चैत ५, २०८० सोमबार
प्रजनन उपचारका लागि आयात गरिएको मानव अण्डामा हेमोफिलिया बी रोग
चैत ५, २०८० सोमबार
उपचारका लागि महरा थापाथलीस्थित नर्भिक अस्पतालमा भर्ना
चैत ५, २०८० सोमबार