एमसीसी संसदमा पेश गर्ने तयारी : सभामुखद्वारा राजीनामाको धम्की
नेपालबहस संवाददाता
मंसिर २१, २०७८ मंगलबार १६:५४:१८
२१ मंसिर, काठमाडौं । आउँदो मंसिर २८ गते बस्ने संसद अधिवेशनमा अमेरिकी पूर्वाधार परियोजना मिलेनियम च्यालेन्ज कर्पोरेसन (एमसीसी) संसदमा पेश गर्ने तयारी भएको छ । प्रधानमन्त्री शेरबहादुर देउवाले एमसीसीलाई संसदमा टेबुल गर्न निर्देशन दिएका छन् ।
देउवाको सो निर्देशनपछि सत्तारुढ गठबन्धनमा हलचल पैदा भएको छ । संसदमा एमसीसी लैजाने तयारी गरेपछि सभामुख अग्निप्रसाद सापाकोटाले असहमति व्यक्त गर्दै आफूले राजीनामा दिने धम्की दिएको सरकार निकट स्रोतले जनाएको छ । एमसीसी अनुमोदनलाई लिएर सत्ता गठबन्धनबीच सहमति भई नसकेकै अवस्थामा संसदमा टेबल गर्ने तयारी थालेपछि सभामुख सापकोटाले प्रधानमन्त्रीसँग असहमति प्रकट गरेका हुन् ।
‘एमसीसीकै विषयलाई लिएर प्रधानमन्त्री र सभामुखबीच खटपट शुरु भएको छ, यसले गठबन्धनमा समेत असर पर्ने देखिन्छ’, स्रोतले भन्यो । सोमबार मात्रै नेकपा एकीकृत समाजवादी पार्टीका अध्यक्ष माधवकुमार नेपालले यो गठबन्धन आगामी निर्वाचनसम्म जाने बताएका थिए भने सोमबार नै प्रधानमन्त्री देउवाले अहिलेको गठबन्धन राष्ट्रियसभाको निर्वाचनसम्म रहने बताएका थिए । दुई नेताहरुकै परस्पर विरोधी धारणा आइरहेका बेला संसदमा एमसीसी टेबुल नगर्ने सभामुखको चेतावनीपछि गठबन्धन धरापमा पर्ने सम्भावना बढेको हो ।
नेपाली कांग्रेस महाधिवेशनको तयारीमा लागेको र त्यसको फाइदा उठाउँदै सरकारलाई अप्ठेरो पार्ने गरी सभामुखले एमसीसी टेबुल नगर्ने धारणा राखेको कांग्रेस नेताहरुको बुझाइ रहेको छ । संसदीय सुनुवाइ समितिको बैठकमा पनि माओवादी नेता देव गुरुङले एमसीसी संशोधनसहित पास हुनुपर्ने धारणा राखेका थिए भने साेही वैठकमा कांग्रेस सांसद उमा अधिकारीले एमसीसीबारे गलत बुझाइ रहेकाले पास गर्नुपर्ने धारणा राखेका थिइन् ।
सोमबार संसदीय सुनुवाइ समितिमा अमेरिकाका लागि प्रस्तावित राजदूत श्रीधर खत्रीको सुनुवाइका क्रममा सत्तारुढ नेपाली कांग्रेस र सत्ता साझेदार दल नेकपा माओवादी केन्द्रका नेताले आपसमा विपरीत धारणा राखेका थिए । यसबाट पनि गठबन्धनमा रहेका दल मध्ये कांग्रेस मात्रै एमसीसी पास गर्ने पक्षमा रहेको छ ।
अमेरिकी सरकार र एमसीसीका उच्च अधिकारीले ‘एमसीसी नेपाली जनताको हितमा छ भन्ने लागे स्वीकार गर्न र नभए यसलाई अन्य मुलुकमा लैजान सकिने’ बताइरहेका बेला सरकारले यसलाई संसद लैजाने गृहकार्य गरेको छ । एमसीसी सम्झौता संसदमा ३१ असार ०७६ मै नै दर्ता भएको थियो । कार्यान्वयनपूर्व यसलाई संसदबाट अनुमोदन गर्नुपर्ने सम्झौतामा उल्लेख छ । यद्यपि, एमसीसी आंशिक कार्यान्वयनमा गइसकेको छ भने ६ अर्बभन्दा धेरै रकमसमेत खर्च भइसकेको छ । अनुमोदन हुने–नहुने अझै निश्चित भइसकेको छैन ।
संसदमा दर्ता भएको एमसीसीलाई तत्कालीन सभामुख महराले संसदमा पेश गर्न दिएका थिएनन । त्यसैगरी अग्नि सापकोटा सभामुख बनेपछि पनि बाधक बनेका थिए । सम्झौता कार्यान्वयनका लागि धेरै समय पर्खिन नसकिने भन्दै एमसीसी उपाध्यक्ष फातिमा सुमार र अमेरिकी सहायक विदेशमन्त्री डोनाल्ड लुले नेपाल भ्रमण गरेर शीर्ष राजनीतिक नेतालाई भेटेको केही समयपछि सत्ता गठबन्धनले प्रस्ताव संसद लैजाने बारे छलफल थालेको थियो ।
अनुमोदन गर्ने विषयमा व्यापक विवाद र छलफल चलिरहेको एमसीसी सम्झौता आगामी २८ मंसिरबाट सुरु हुने अधिवेशनमा संसदमा प्रवेश गराउने तयारी भएको छ । तर सो तयारीअघि नै गठबन्धनका प्रमुख दल नेकपा माओवादी केन्द्र र माधव नेपाल नेतृत्वको नेकपा एकीकृत समजवादी केन्द्रले गठबन्धन दलमा सहमति हुनुपर्ने धारणा सार्वजनिक गरेका छन् । तत्कालीन प्रधानमन्त्री केपी ओलीले संसदमा एमसीसी पेश गराउन खोज्दा तत्कालीन सभामुख कृष्णबहादुर महरा र अग्नि सापकोटा दुवै बाध बनेका थिए ।
चार वर्षअघि २९ भदौ ०७४ मा नेपालले अमेरिकासँग एमसीसी सम्झौतामा हस्ताक्षर गरेयता विभिन्न पूर्वतयारीका काम सञ्चालन भइरहेका छन् । अहिलेसम्म पूर्वतयारीकै लागि एमसीसीले नेपालमा मिलेनियम च्यालेन्ज एकाउन्ट (एमसीए) खोलेको छ । त्यसमार्फत करिब ६ अर्बभन्दा धेरै रकम खर्चसमेत भइसकेको छ । त्यसमा नेपाल सरकारको मात्रै चार अर्ब ३४ करोड रुपैयाँ खर्च भएको छ । अमेरिकी विदेश सहायकमन्त्री डोनाल्ड लु गत १ देखि ३ मंसिरसम्म नेपाल भ्रमणमा आएर सम्झौता कार्यान्वयनमा नेपाललाई धेरै नपर्खिने सन्देश दिएर गएका थिए ।
उनले ‘नेपालले एमसीसी नचाहे अन्य मुलुकमा लैजाने’ स्पष्ट सन्देश सबै नेताहरूलाई सुनाएको बताएका थिए । त्यसअघि २४ भदौदेखि चार दिने भ्रमणमा काठमाडौं आएकी एमसीसी उपाध्यक्ष फातिमा सुमारले ‘समयको बाध्यता बुझ्न भन्दै ठोस निर्णय लिन’ शीर्ष राजनीतिक नेतृत्वसँग आग्रह गरेकी मात्र थिइनन् उनले अन्तर्राष्ट्रिय सहयोग रोक्ने चेतावनीसमेत दिएर गएकी थिइन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार