सशस्त्रको एसएसपी बढुवामा देउवाकाे अवरोध हट्यो, यसरी भयाे ११ जनाको बढुवा
नेपालबहस संवाददाता
मंसिर २१, २०७८ मंगलबार १६:४७:८
२१ मंसिर, काठमाडौं । लामो समयदेखि रोकिएको सशस्त्र प्रहरीका ११ जना सशस्त्र प्रहरी उपरीक्षक (एसपी) सशस्त्र प्रहरी वरिष्ठ उपरीक्षक (एसएसपी) मा बढुवाको लागि सिफारिस भएका छन् । बढुवा समितिको बैठकले ११ जना एसपीलाई एसएसपीमा बढुवाको सिफारिस गरेको हो ।
एसएसपी भोजराज शाहको अवकाशसँगै एसएसपी बढुवाको बाटो खुलेको थियो । लामो समयदेखि रिक्त रहेको एसएसपीमा प्रधानमन्त्री शेरबहादुर देउवाका स्वकीय सचिव भानु देउवाका ज्वाईका कारण रोकिएको बढुवामा यसपटक भने उनी आफै पर्ने भएपछि उनले अवरोध गरेका थिएनन् ।
एसएसपीमा बढुवा हुने एसपीहरु प्रविण कँडेल, विष्णुप्रसाद भट्ट, दिगविजय सुवेदी, विश्वकुमार भट्टराई, भुपेन्द्र केसी, कमल प्रसाद तिमिल्सिना, निरकृष्ण अधिकारी, सुधिरजंग थापा, किरण बस्नेत, माधवप्रसाद पौडेल र दीपेन्द्र कुँवर (ख) रहेका छन् । यसअघि २५ पद खाली हुँदा १५ पदका लागि मात्रै एसएसपीमा बढुवा निकालिएको थियो । त्यसबेला सबै पदमा बढुवा निकाल्न खोज्दा ११ औं नम्बरमा रहेका कुँवर नपर्ने भएपछि देउवको सोर्सले बढुवा रोकेका थिए ।
त्यतिबेला एसपीद्वय उद्धव न्यौपाने र दीपेन्द्र कुँवर (ख) का कारण कामु एसएसपीको बढुवा रोकिएको थियो । न्यौपाने हाल प्रधानमन्त्री कार्यालय तथा यसअघि गृह मन्त्रालयका सचिव महेश्वर न्यौपानेका दाजुभाइ हुन् । कुँवर देउवाका स्वकीय सचिव भानु देउवाका ज्वाई हुन् । न्यौपाने र कुँवर सिंसं २ नम्बरका एसपी हुन् । हाल न्यौपाने भक्तपुर गणमा कार्यरत रहेका छन् । सशस्त्र प्रहरीमा सबैभन्दा बढी कमाण्ड गर्ने न्यौपानेले तत्कालीन गृहसचिव न्यौपानेको सोर्समा सशस्त्र प्रहरीको बढुवा रोकेका थिए । हाल कुँवर पर्ने भएपछि उनको केही जोड चलेन ।
उनीहरुको ब्याचमा कुँवर ११ नम्बरका एसपी हुन् भने न्यौपाने १२ औँ नम्बरका हुन् । आईजीपी शैलेन्द्र खनाल, गृहसचिव न्यौपाने र भानु देउवामार्फत दबाब दिएर कामु एसएसपी बनाउनबाट रोक्दा १० वरिष्ठ एसपीको वृत्ति विकासमा असर परेको थियो । अहिले कुँवर बढुवामा पर्ने भएपछि मात्रै बढुवामा सिफरिस गरिएको छ । सशस्त्रमा कामु एसपी बनाउँदा वरिष्ठता मिच्न पाइँदैन ।
कामु एसएसपी बनाएमा आफूहरु छुट्ने र पछिल्लो ब्याचमा पर्ने भएकाले नियमित बढुवामा अघिल्लो नम्बरमा पर्ने र भावी नेतृत्वमा पुग्ने दाउमा कुँवर र न्यौपाने लागेका थिए । तर न्यौपाने भने परेनन् । उनीहरुको स्वार्थका लागि १० पद खाली हुने अवस्था हुँदाहुँदै दबाबमा विगत एक वर्षदेखि बढुवा रोकिएको थियो । कुँवरले भानु देउवाकै सोर्सकै आधारमा आर्मीको स्टाफ कलेजमा तालिम गरेका छन् । उनले सशस्त्र प्रहरीको स्टाफ कोर्समा नाम निकाल्न सकेका थिएनन् । अकुत कमाइसकेका एसपी उद्धव न्यौपाने पनि कमाण्डबिना बस्न नसक्ने अधिकृतका रुपमा चिनिन्छन् ।
बदनाम गर्नेलाई पुरस्कार
बाँकेको ब्यारेकमा झण्डै डेढ दशकअघि भएको विद्रोहका मुख्य कारक मानिएका हालका डीएसपी शेरबहादुर अधिकारीलाई संगठनले पुरस्कार दिएको छ । हाल बढुवाका लागि चलखेल गरिरहेका अधिकारीलाई यसपटक तक्मा दिइएको हाे ।
तत्कालीन विद्रोही माओवादी शान्ति प्रक्रियामा आइसकेपछि बाँकेको शमशेरगञ्ज गणमा सिपाहीले पहिलो विद्रोह गरेका थिए । त्यतिबेला अधिकारी त्यहाँको क्वार्टर मास्टर्स थिए । उनी राशन व्यवस्थापनको कमाण्डर इन्सपेक्टर थिए । त्यतिबेलाको सिपाही विद्रोह नै कमसल रासनको कारण भएको भन्ने गरिएको छ । उनको कमाण्ड रहेको बेला कमसल राशन दिएपछि सिपाहीले विद्रोह गरेका हुन् ।
कम गुणस्तरको रासन खुवाएको गुनासोलाई सम्बोधन नगरेपछि सिपाहीले विद्रोह गरेर कमाण्डेण्ट एसपी हरिशंकर बुढाथोकीलाई निर्घात कुटेका थिए । उक्त घटनामा धेरैको जागिर गएको थियो । बाँकेमा उक्त काण्ड हुँदा अधिकारी भने भागेका थिए । सशस्त्रले त्यसपछि उनलाई ५ वर्ष बढुवा रोक्का गरेको थियो । अनेक दाउ लगाउँदै अधिकारीको बढुवा रोक्का पछि फुकुवा भएको हो ।
अहिले उनी डीएसपी भएका छन् भने जासुसी गर्ने टीम इन्टेलिजेन्सको इञ्चार्ज भएका छन् । विना भरपाई लाख लाख खर्च गर्न र छुट्टै लेखाअधिकृत राखेर रकम सञ्चालन गर्ने त्यो विभागमा कार्यरत अन्य कर्मचारीहरु भने खाजा खान नपाएर भौतारिदा पनि उनी त्यही बसेर हाकिमको चाकडीमा रमाउने गरेका छन् । विभिन्न पत्रपत्रिकामा आएका समाचारलाई सँगालेर सूचना तयार पारी दिन कटाउने मात्रै उनको काम रहेको छ । उनी अहिले जसरी पनि बढुवा हुनुपर्छ भन्दै शक्तिकेन्द्र धाइरहेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार