एनआईबिएल एस क्यापिटलको च्याटबोट सेवा संचालन

२१ मंसिर, काठमाडौं । एनआईबिएल एस क्यापिटल लिमिटेडले ग्राहकहरुको सुविधालाई मध्यनजर गर्दै च्याटबोट (ChatBot)  सेवा सञ्चालन गरेको छ । क्यापिटलले एक विज्ञप्ति जारी गरी समय अनुसार प्रविधिमा आएको परिवर्तन एवं ग्राहकवर्गहरुको आवश्यकतालाई ध्यानमा राखी च्याटबोट सेवा ल्याइएको जनाएको छ ।

नेपाल इन्भेष्टमेन्ट बैंक लिमिटेडको पूर्ण स्वामित्वमा रहेको क्यापिटलले च्याटबोट सेवा बाट ग्राहकहरुले कम्पनीको सेवाहरुको बारेमा सजिलैसँग जानकारी लिन सक्ने जनाएको छ । भौतिक उपस्थिति बिना नै सेवा लिन सहज हुन सक्ने कुरामा क्यापिटल विश्वस्त रहेको बताएको छ ।

परिस्कृत सेवा सुबिधा प्रदान गर्न तथा प्रविधिमैत्री बनाउनका लागि च्याटबोटमा आर्टिफिसियल इन्टेलिजेन्स समेतको प्रयोगले ग्राहकको आवश्यकता अनुसारको सेवा सुविधा दिन सक्ने किसिमले विकास गरिएको क्यापिटलले जनाएको छ ।

यस अघि कम्पनीले विद्युतीय प्रणाली (Online) मार्फत एनआईबिएल सहभागिता फण्ड (खुलामुखी योजाना) का ईकाईहरु खरिद गर्नुका साथै डिम्याट खाता खोल्ने तथा मेरो शेयर दर्ता गर्ने सेवा समेत सुचारु गरिसकेको छ ।

थप जानकारीको लागि क्यापिटलको मुख्य शाखाको टेलिफोन नम्बर ०१४४२५२८० मा सम्पर्क अथवा [email protected] मा ईमेल गर्न अनुरोध गरिएको छ ।