हवाई उडानलाई सुरक्षित बनाउन लागिपरेको छु : प्रेम आले
सरला बैजु
मंसिर २१, २०७८ बुधबार ३:१६:५९
२१ मंसिर, काठमाडौं । आज डिसेम्बर ७ अर्थात् अन्तर्राष्ट्रिय नागरिक उड्डयन दिवस नेपालमा पनि विविध कार्यक्रम गरी मनाइएको छ । दिवसको सन्दर्भमा संस्कृति, पर्यटन तथा नागरिक उड्डयन मन्त्रालयले ‘च्यालेन्ज अफ वाइल्डलाइफ म्यानेजमेन्ट इन एभिएसन सेफ्टी’ विषयमा कार्यशाला ग(यो ।
नेपाल नागरिक उड्डयन प्राधिकरणका पूर्वमहानिर्देशक हरिभक्त श्रेष्ठ, हिमालय एयरलाइन्सका उपाध्यक्ष विजय श्रेष्ठलगायत विज्ञले वन्यजन्तु र चराचुरुङ्गीबाट हवाई उडानमाथि हुने सम्भावित जोखिमलाई कसरी सुरक्षित गर्न सकिन्छ भन्ने विषयमा सो अवसरमा प्रस्तुती दिएका थिए । कार्यक्रममा संस्कृति, पर्यटन तथा नागरिक उड्डयनमन्त्री प्रेमबहादुर आलेले हवाई सुरक्षा बढाउन र सेवालाई गुणस्तरीय बनाउन लागिपरेको बताए । हवाई उडानमा जंगली जनावार र चराचुरुङ्गी ठोक्किए दुर्घटना निम्तिने भएकाले बेलैमा सम्भावित जोखिम नियन्त्रणका लागि सम्बन्धित निकाय चनाखो हुनुपर्ने उनको धारणा थियो । उनले भने, “म आफ्नो गन्तव्य र अडानमा स्पष्ट छु, विज्ञहरुले यहाँ विकृतिहरु छन् यसरी सुधार गर्नुपर्छ भनेर सुझाव दिनुस् । उडानलाई सुरक्षित बनाउन वन्यजन्तुको जोखिमबाट जोगिन प्रभावकारी काम गर्छौँ, छ दिनपछि क्यानको बैठक बसेर बजेट पारित गर्छौ र कार्यक्रम ल्याउँछौँ ।”
पर्यटन मन्त्रालयका सचिव महेश्वर न्यौपानेले हवाई उडानलाई वन्यजन्तुबाट सुरक्षित बनाउने कार्ययोजना एक हप्ताभित्र प्रस्तुत गर्न मातहत निकायलाई निर्देशन दिए । नेपाल नागरिक उड्डयन प्राधिकरणका महानिर्देशक राजकुमार क्षेत्रीले हवाई उड्डयनलाई सुरक्षित तुल्याउन लागिपरेको बताए । वायुसेवा सञ्चालक संघ नेपालका अध्यक्ष क्या रामेश्वर थापाले नागरिक उड्डयनलाई सुरक्षित र विश्वसनीय बनाउन सरोकारवाला निकायबीच समन्वयका साथ काम अघि बढाइनुपर्नेमा जोड दिए ।
सन् १९०३ डिसेम्बर ७ तारिखका दिन अमेरिकी नागरिक राइट ब्रदर्सले पहिलोपटक हवाईजहाजको यात्रा गरेको सम्झनामा यो दिवस मनाइने गरिन्छ । सन् १९९४ मा अन्तर्राष्ट्रिय नागरिक उड्डयन संस्थाको ५०औँ वार्षिकोत्सवका अवसरमा दिवस मनाउन सुरु गरिएको हो । पछि संयुक्त राष्ट्रसंघको महासभाले पनि डिसेम्बर ७ लाई अन्तर्राष्ट्रिय नागरिक उड्डयन दिवसका रुपमा मान्यता दिएको थियो । सन् १९५७ मा नेपालमा नागरिक उड्डयन प्राधिकरणको स्थापना भएको हो ।
सरला बैजु
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबन्दीपुरको सौन्दर्यता र मौलिकता कायम राख्न व्यवसायीलाई आग्रह
बैशाख ११, २०८१ मंगलबार
मनाङमा एक वर्षमा २१ हजार पर्यटकको आगमन
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
आइपिएलमा आज दिल्ली र गुजरातबीच खेल हुँदै
बैशाख १२, २०८१ बुधबार
चेन्नईमाथि लखनउको शानदार जित
बैशाख १२, २०८१ बुधबार
कतारका अमिर र प्रधानमन्त्री प्रचण्डबीच आज द्विपक्षीय भेटवार्ता
बैशाख १२, २०८१ बुधबार
यी तीन प्रदेशमा आज मेघ गर्जनसहित वर्षा हुने
बैशाख १२, २०८१ बुधबार
यस्तो छ आजको राशिफल
बैशाख १२, २०८१ बुधबार
गोरखा भूकम्पको सम्झनामा फोटो प्रदर्शनी हुने
बैशाख ११, २०८१ मंगलबार