बन्दुक तेर्साएर वितरण गरिएको खानेकुरा विद्रोहीले लुटेः डब्लूएफपी

२३ मंसिर, न्युयोर्क । इथोपियामा खाद्य वितरणका लागि लगिएको सामाग्री लुटेराहरुले लुटेपछि विश्व खाद्य कार्यक्रम ‘डब्लूएफपी’ ले वितरण कार्य रोक्का गरेको छ ।

सशस्त्र विद्रोही टिग्रयान फौजका कार्यकर्ताले लुटपाट गरेपछि डब्लूएफपीले वितरण कार्यक्रम रोकेको हो । समूहका कार्यकताहरुले कोम्बोल्चा सहरमा बन्दुक तेर्साएर डब्लूएफपीका कर्मचारीलाई नियन्त्रणमा लिएको समेत राष्ट्रसंघले जनाएको छ ।

नियन्त्रणमा लिएपछि लुटेराहरुले अत्यावश्यकीय खाद्य सामाग्री चोरिदिएका थिए । सशस्त्र टिग्रयान फौज र सरकारी सेनाबीचको द्वन्द्वका कारण उत्तरी इथोपिया लामो समयदेखि भोकमरीको चपेटामा परेको छ । एक वर्ष लामो गृहयुद्धका कारण त्यहाँका ९० लाख मानिस खाद्यन्न अभावबाट बन्चित छन् ।

खाद्यन्न लुटेपछि कर्मचारीलाई दुर्व्यवहार गरेको राष्ट्रसंघले जनाएको छ । ‘कर्मचारीमाथिको दुर्व्यवहार असह्य छ । लुटपाटले अत्यावश्यकीय क्षेत्रमा खाद्यान्न वितरण गर्ने राष्ट्रसंघको अभियानलाई नजरअन्दाज गरेको छ ,’ राष्ट्रसंघका प्रवक्ताले भनेका छन् ।