भारतमा थप नौ हजार ४१९ जना कोरोना संक्रमित

२३ मंसिर, नयाँदिल्ली । भारतमा हिजो बुधबार नौ हजार ४१९ जनामा कोरोना संक्रमण देखापरेपछि कोरोनाको कूल संक्रमितको संख्या तीन करोड ४६ लाख ६६ हजार २४१ पुगेको केन्दीय स्वास्थ्य मन्त्रालयले बिहीबार जानकारी दिएको छ ।

बुधबार कोरोना संक्रमणबाट १५९ जनाको मृत्यु भएपछि कूल मृतकको संख्या चार लाख ७४ हजार १११ पुगेको छ । भारतमा अझै पनि ९४ हजार ७४२ जना सक्रिय संक्रमित रहेका पनि समाचारमा जनाइएको छ ।

गएको २४ घण्टामा भारतमा आठ हजार २५१ जना कोरोनाबाट मुक्त भएका छन् । यसैसँगै कोरोना शुरु भएयता हालसम्म तीन करोड ४० लाख ९७ हजार ३८८ जनालाई कोरोनाको संक्रमण निको भएका छन् ।