लुम्बिनी विकास बैंकको लाभांश पाउन कहिलेसम्म बन्ने शेयरधनी ?

२३ मंसिर, काठमाडौं । लुम्बिनी विकास बैंकले १३.६८ प्रतिशत लाभांश प्रस्ताव पारित गर्न पुस ९ गते साधारण सभा बोलाएको छ ।

बैंकले गत आर्थिक वर्षको नाफाबाट १३ प्रतिशत बोनस शेयर र कर तिर्न ०.६८ प्रतिशत नगद लाभांश वितरण गर्ने प्रस्ताव सभामा पेश गर्नेछ ।

बोनस शेयरपछि पुँजी बढ्ने भएकाले सोही बमोजिम प्रबन्धपत्र तथा नियमावली संशोधन गर्ने एजेन्डा पनि छ । साथै, अन्य कुनै बैंक तथा वित्तीय संस्थासँग मर्जर वा एक्विजिसनमाा जानु परेमा सम्पूर्ण कामको अख्तियारी सञ्चालक समितिलाई दिइने भएको छ ।

गत आर्थिक वर्षको वार्षिक प्रतिवेदन, नाफा–नोक्सान हिसाब तथा नगद प्रवाह विवरणमा पनि छलफल हुनेछ । सभा बैंकको केन्द्रीय कार्यालय डिल्लीबजार, काठमाडौंमा बिहान ११ः१५ बजे सुरु हुनेछ ।

भर्चुअल माध्यमबाट सभा आयोजना हुनेछ । सभा प्रयोजनका लागि मंसिर २७ गते बुक क्लोज गर्ने बैंकले जनाएको छ । तसर्थ, मंसिर २६ गते आइतबारसम्म कायम रहने सेयरधनीले मात्र साधारण सभामा भाग लिन र प्रस्तावित लाभांश पाउन सक्नेछन् ।