खुकुरी रमले देशभर विशेष सांगीतिक अभियान चलाउने

२ पुस, काठमाडौं । खुकुरी रमले चर्चित सांगीतिक समूहसँगको सहकार्यमा देशका विभिन्न स्थानहरुमा विशेष सांगीतिक अभियान चलाउने भएको छ । स्थापित कलाकारसँगै उदाउँदा कलाकारहरुलाई पनि मौका दिनेगरी देशका विभिन्न स्थानहरुमा विशेष सांगीतिक अभियान चलाइने कम्पनीले जनाएको छ ।

पछिल्लो समयमा युवापुस्तामाझ चर्चित आर्बिटरी ग्रुपसागको सहकार्यमा खुकुरी रमले देशका विभिन्न स्थानहरुमा नयाँ कलाकारको प्रोत्साहनका लागि प्लेटफर्म उपलब्ध गराउने उद्देश्यले विशेष सांगीतिक अभियान संचालन गर्न लागेको जनाएको छ ।

खुकुरी रमले देशका विभिन्न जिल्लाका रेष्टुरेन्ट, क्लब, खुल्ला क्षेत्र, आउटडोर्स, इन्डोर्स लगायतका ठाउँहरुको छनोट गरी सांगीतिक कार्यक्रम आयोजना गर्ने तयारी गरिरहेको खुकुरी रमको उत्पादक ‘द नेपाल डिस्टीलरिज’का महाप्रबन्धक सुभास लामिछानेले जानकारी दिए ।

यस अभियानमा देशका विभिन्न ठाउँमा गएर आर्बिटरीसँग आबद्ध कलाकारहरुले आफ्नो प्रस्तुती दिनेछन् । आर्बिटरीले देशैभर आयोजना हुने यो अभियानको शुक्रबार(आज)बाट सुरु गरेको छ ।

आर्बिटरीका संस्थापक वीपीन नकर्मीले संगीत र कलाकारहरुलाई सहयोग गर्ने हेतुले आर्बिटरी ग्रुपले पुनस् खुकुरी रमसँग सहकार्य गर्न पाउँदा खुसी लागेको बताए । हाल नेपालबाहेक १३ देशका बजारमा समेत उपलब्ध हुँदै आएको खुकुरी रमको प्याकेजिङ केही समयअघि परिवर्तन गरिएको छ ।