कोरोना भाइरसको नयाँ अवतार ‘ओमिक्रोन’ को खतरामा नेपाल
नेपालबहस संवाददाता
पुस १८, २०७८ आइतबार २२:४१:१५
नेपालबहस न्युज ब्युरो
आज भोली कोरोना भाइरसको नयाँ अवतार (भेरियन्ट ) ‘ओमिक्रोन’ को खतराबाट नेपाल पनि चिन्तित हुन थालेको छ । दक्षिण अफ्रिकामा पहिलो पटक देखिएको यो भेरियन्टको संक्रमण हाल दर्जनौं मुलुकमा भईसकेको वैज्ञानिक पुष्टि भइसकेको छ । पोर्चुगल, नेदरल्यान्ड्स र बेलायतसहित युरोपका विभिन्न देशमा ओमिक्रोन पुगिसकेको छ ।
हाल विश्व स्वास्थ्य संगठन WHO लगायत विभिन्न मुलुकले अनेकौं तयारी गर्न थालेका छन् । भीडभाड नगर्न, हाल चलिरहेको क्रिसमस चाड र अँग्रेजी नयाँ वर्षमा हुने बढी जमघट र लसपसका साथै यात्रामा प्रतिबन्ध वा कडाइ गर्दै यसको सम्भावित प्रकोपबाट सुरक्षित रहने तरिका अपनाइरहेका छन् । दक्षिण अफ्रिकामा पुष्टि भएका ओमिक्रोन संक्रमितमध्ये झन्डै ९० प्रतिशत एउटै प्रान्तका मानिस हुन् ।
ओमिक्रोन भेरिएन्टको परीक्षण
सामान्यतया पीसीआर परीक्षणका लागि लिइएको नाक तथा घाँटीको र्याल विश्लेषणका लागि प्रयोगशाला पठाइन्छ । पीसीआर विधिद्वारा मानिसमा कोरोना भाइरस संक्रमण भए–नभएको पत्ता लाग्छ । कसैले, डेल्टा वा ओमिक्रोन जस्ता कोरोनाभाइरसको निश्चित भेरियन्ट पनि किटान गर्न सक्छन् । केही प्रयोगशालामा मात्र भेरियन्ट पहिचान गर्न आवश्यक प्रविधि हुन्छ । घरमै गर्न सकिने आरडीटी विधिको परीक्षणले कुन भेरियन्टको संक्रमण छ भन्ने किटान गर्दैन । तर संक्रमण छ कि छैन भनी थाहा पाउन यो विधिलाई प्रभावकारी मानिन्छ ।
विश्वमै सबभन्दा धेरै पीसीआर परीक्षण अमेरिकामा हुनेगर्छ । त्यसपछि मात्र बेलायत, रुस, जर्मनी, इटाली र दक्षिण कोरिया धेरै मात्रामा पीसीआर परीक्षण हुने मुलुकको सूचीमा आउँछन् । भारतमा चाहिं परीक्षणको लागि पठाइएको कुल नमुनाको एक प्रतिशतमात्र डेल्टा वा ओमिक्रोनजस्ता भेरियन्ट किटान गर्न प्रयोग हुन्छ । कोरोना भाइरस संक्रमण पुष्टि भएको र ओमिक्रोनको आशङ्का गरिएको पीसीआर परीक्षणको स्वाब ‘जीनोम सीक्वन्सिङ‘ भनिने पूर्ण आनुवंशिक विश्लेषणका लागि प्रयोगशालामा पठाइन्छ ।
यस्तो परीक्षणबाट केही मानिसहरू ओमिक्रन भेरियन्टबाट संक्रमित भएका छन् । भाइरसको आनुवंशिक तत्वको प्रयोगशालामा गरिने यस्ता विश्लेषणहरू नयाँ भेरियन्ट पत्ता लगाउन र तिनले कस्तो व्यवहार गर्छन् भन्ने पहिल्याउन मत्वपूर्ण हुन्छन् । परीक्षण गर्न दुई साताजति लाग्ने भएकाले ओमिक्रोनबाट भएका धेरै संक्रमणहरू पहिचान भएका छैनन् ।
ओमिक्रोनको लक्षण
विश्व स्वास्थ्य सङ्गठनले ओमिक्रोनबाट संक्रमणका लक्षणहरू अन्य भेरियन्टका लक्षण भन्दा फरक नभएकोबारे जानकारी उपलब्ध नभएको भनेको छ । यद्यपि स्वाद र गन्ध हराउनु, खोकी लाग्नु, ज्वरो आउनु आदि कोभिडकै लक्षण पनि यो भेरियन्टसँग सम्बन्धित लक्षण हुनसक्छन् भनी WHO बताउँछ । ओमिक्रोन भेरियन्टमा अहिलेसम्म नदेखिएका र अन्य भेरियन्टमा भएका उत्परिवर्तनहरू देखिएका छन् । तीमध्ये अधिकांश उत्परिवर्तनहरू भाइरसको सतहमा देखिने स्पाइक प्रोटीनमा छन् ।
दक्षिण अफ्रिकामा दुवै डोज खोप लगाएका मानिसमा पनि ओमिक्रोन संक्रमण देखिएको छ । उनीहरूमा देखिएका लक्षणहरू सामान्य छन् । त्यहाँका अस्पतालहरूमा जटिल लक्षणसहित धेरै वयस्क व्यक्तिहरू भर्ना भएका छन् । तीमध्ये अधिकांश खोप नलगाएका वा खोपको एक मात्रामात्र लगाएका मानिस भएको थाहा भएको छ ।
यसबाट यो पुष्टि हुन्छ कि दुवै डोज खोप लगाउनु र ’बूस्टर’ (अतिरिक्त) मात्रा लगाउँदा नयाँ वा ओमिक्रोनजस्ता वा उस्तै भेरियन्टहरूले निम्त्याउने समस्याबाट जोगिन सकिन्छ । ओमिक्रोन नियन्त्रण गर्न खोपको तीन मात्रा आवश्यक पर्ने निष्कर्ष छ ।
नेपालको व्यवस्थापन
कोभिड खोप लगाउनमा सबै कारणले सक्षम भए पनि नेपालमा पछिल्ला दिनमा आएर खोप लगाउने गति सुस्त हुन थालेको छ । जनसंख्याको अनुपातमा कोभिड खोप लगाउने गतिमा नेपाल यसअघि दक्षिण एशियाली मुलुकमध्ये अग्रणी रहेको थियो । सातवटै प्रदेशमा कोभिड खोप पर्याप्त मात्रामा भण्डारण छ र आगामी चैत्र महिना भरिमा सबै जनतालाई कोभिड खोप लगाईसक्ने सरकारी प्रतिबद्धता र लक्ष पनि छ । सात हजार खोपकेन्द्र स्थापित गरिएको छ र ५१ जिल्लामा खोप अभियान चालु पनि छ । तर उपलब्धी एकदमै सुस्त देखिन्छ ।
सातवटै प्रदेशमा ५० लाखभन्दा धेरै डोज भण्डारण भएको र अझै तीन करोड बढी मात्रामा खोप आउने क्रममा रहे पनि नेपालमा पछिल्लो तथ्याङ्कअनुसार ३१ प्रतिशत जनसंख्याले मात्र दुवै डोज खोप लगाएको आधिकारिक तथ्याङ्कमा देखिन्छ । भारतमा यो संख्या ३७ प्रतिशत छ । माल्दिभ्समा ६८ प्रतिशत, श्रीलङ्कामा ६३ प्रतिशत र भुटानमा त करिब ७४ प्रतिशत जनसंख्याले दुवै डोज खोप पाएका छन् । त्यहाँ कोभिडबाट मृत्यु हुनेको दर दक्षिण एशियामै सबभन्दा कम छ । विश्वभर औसत ४७ भन्दा बढी प्रतिशतले दुवै मात्रा र करिब ५ प्रतिशतले बुस्टर मात्रा खोप लगाइसकेका छन् । (एजेन्सीहरूको सहयोगमा)
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबढ्यो कोरोना संक्रमण, एक हप्तामा २८ जना संक्रमित
चैत २०, २०८० मंगलबार
बङ्गलादेशमा काेराेनाको जेएन-१ भेरियन्ट भेटिएको पुष्टि
माघ ५, २०८० शुक्रबार
गोरखमा पनि एक जनामा कोरोना पुष्टि
माघ २, २०८० मंगलबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
इलाम उपनिर्वाचनमा कांग्रेस
बैशाख १२, २०८१ बुधबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
बारामा करेन्ट लागेर २५ वर्षीय यादवको मृत्यु
बैशाख १३, २०८१ बिहिबार
कर्णालीका मुख्यमन्त्री कँडेलले आज विश्वासको मत लिँदै
बैशाख १३, २०८१ बिहिबार
८० वर्षको उमेरमा नागरिकता
बैशाख १३, २०८१ बिहिबार
डेम्बेले र एम्बाप्पेको गोलमा पिएसजी विजयी
बैशाख १३, २०८१ बिहिबार
राहतको प्रतीक्षामा महोत्तरीका अग्निपीडित
बैशाख १३, २०८१ बिहिबार
चित्रकलामा भविष्य खोजिरहेकी निर्मला
बैशाख १३, २०८१ बिहिबार