बजारमा करेक्सन : आगामी बजारको दिशा के कुराले निर्धारण गर्ला ?

२८ पुस, काठमाडौं । साताको चौथो कारोवार दिन नेप्से परिसूचकमा धेरै समय पश्चात करेक्सन देखिएको छ । नेप्से परिसूचक ३० दशमलव ५१ अंकले घट्दा कारोवार रकम भने वृद्धि भएको छ । प्रतिशतमा नेप्से १ दशमलव ०८ प्रतिशतले घटेको छ ।

अघिल्लो कारोवार दिन मंगलबार ६ अर्ब ७२ करोड बराबरको शेयर खरिदबिक्री भएकोमा आज ८ अर्ब ०३ करोड बराबरको शेयर खरिदबिक्री भएको छ । बजार आक्रामक रुपमा बृद्धि हुँदा कारोवारीहरुले नाफा बुक गर्ने हुँदा बजारमा करेक्सन आउने गर्दछ । करेक्सनको बेलामा कारोवार रकम वृद्धि हुनुलाई सकारात्मक रुपमा लिन भने सकिदैन । तर पनि करेक्सन हुँदै वृद्धि भएको बजार दिगो हुने र निरन्तर वृद्धि भएको बजारमा कहिले काही दुर्घटना हुने सम्भावना पनि हुन्छ।

शेयरबजार आज २८३९ को विन्दुमा खुलेकोमा बजारको उच्च विन्दु २८७४ रहेको छ । त्यस्तै बजारले न्यून विन्दु २७९६ समातेको थियो । त्यस्तै बजारको आजको अर्को सकारात्मक पक्ष भनेको बजार आज २८०० को मनोवैज्ञानिक टेवा क्षेत्र माथि बस्न सफल भएको छ ।

अब बजारमा  पुष मसान्तको असर लभभग सकिएको र अब माघ महिना देखि प्रणालीमा कति तरलता हुन्छ र बैंकहरुले माघ महिनाको लागि कुन हिसाबले व्याज निर्धारण गर्छन भन्ने कुराले अबको बजारलाई ड्राईभ गर्ने देखिन्छ।

आज सर्वाधिक कारोवार हुने कम्पनीहरु :

(नोट : निर्णय लिनु अघि थप अनुसन्धान गर्नु होला ! नेपालबहसको शेयर बिश्लेषण गर्ने शाखाले प्राविधिक र आधारभूत औजारको प्रयोग गरेर बिश्लेषण गरिएको हो। नाफा-नोक्सानको जिम्मेवार नेपालबहस हुने छैन। )