दाहाल र बतास समूहलाई कारवाही गर्न अख्तियार र प्रहरीलाई पत्राचार
नेपालबहस संवाददाता
पुस २८, २०७८ बिहिबार ४:१९:२९
२८ पुस, काठमाडौं । नारायणहिटी संग्रहालयमा क्याफ्टेरिया सञ्चालन गर्ने विषयमा राजनीतिक दलका नेताहरुलाई जोगाएर बनाएको प्रतिवेदनलाई पर्यटन मन्त्रालयले कार्यान्वयन गर्न अख्तियार दुरुपयोग अनुसन्धान आयोग र प्रहरी प्रधान कार्यालयलाई आग्रह गरेको छ ।
संस्कृति, पर्यटन तथा नागरिक उड्डयन मन्त्रालयले नारायणहिटी संग्रहालयका निवर्तमान कार्यकारी निर्देशकसहित बतास समूहको बी म्यानेजेन्टका संचालकलाई सार्वजनिक सम्पदा विरुद्धको कसुर गरेको भन्दै कारबाही गर्न प्रहरी प्रधान कार्यालय र अख्तियार दुरुपयोग अनुसन्धान आयोगलाई पत्र पठाएको हो ।
‘तत्कालिन पर्यटनमन्त्री योगेश भट्टराई र सचिव यादव कोइरालाई दोषी नदेखाई तयार गरेको प्रतिवेदन कार्यान्यन गर्न प्रहरी र अख्तियारलाई पठाइएको छ’, मन्त्रालय स्रोतले भन्यो । तर मन्त्रालयका प्रवक्ता डा.टोकराज पाण्डेका अनुसार कार्यदलले बुझाएको प्रतिवेदन अनुसार कारवाहीका लागि पठाइएको हो ।
बुधबार मन्त्रालयले निवर्तमान कार्यकारी निर्देशक भेषनारायण दाहाल र बतास समूहको बी म्यानेजेन्टका संचालकलाई मुलुकी अपराध संहिता २०७४ को दफा १४७ अनुसार कारबाही गर्न आग्रहसहितको पत्र प्रहरी प्रधान कार्यालय र अख्तियारमा पठाएको हो ।
प्रवक्ता पाण्डेका अनुसार, नारायणहिटी दरबार संग्रहालय परिसरमा क्यान्टिनर क्याफ्टेरिया संचालनसम्बन्धी अध्ययन तथा छानबिन प्रतिवेदनसहित मन्त्रालयले प्रहरी प्रधान कार्यालय र अख्तियारलाई पत्र पठाएको हो ।
मुलुकी अपराध संहिता २०७४ को दफा १४७ ले राष्ट्रिय तथा सार्वजनिक सम्पदा पूर्वस्वीकृती बिना अतिक्रमण, भोगचलन गर्न नपाइने भनेको छ । यो कसुर प्रमाणित भएमा कसुर गर्ने वा गराउने व्यक्तिलाई तीन वर्षसम्म कैद वा तीस हजार रुपैयाँ सम्म जरिवाना वा दुवै सजाय हुन सक्ने ब्यवस्था छ ।
मन्त्रालयले प्रहरीलाई निवर्तमान कार्यकारी निर्देशक दाहालले सार्वजनिक सम्पत्तिको संरक्षण संवर्द्धन गर्न नसकेकाले’ कारबाही गर्न पत्र पठाएको छ । उक्त पत्रमा दाहालले सरकारले दिएको जिम्मेवारी कुशलतापूर्वक निर्वाह गर्न नसकेको, बी म्यानेजमेन्टले गरेको अतिक्रमण रोक्न नसकेको भन्दै कारवाहीको लागि पत्र प्रहरी प्रधान कार्यालयमा पठाएको हो ।
पयर्टनमन्त्री प्रेम आलेले प्रहरी र अख्तियारलाई कारबाहीका लागि पत्र लेखी पठाउने निर्णय मंगलबार दिउँसो गरेर बेलुकी कञ्चनपुरको मझगाउँ विमानस्थल स्तरोन्नती कार्यक्रमका लागि धनगढीतर्फ लागेका थिए । व्यापारिक घराना बतास समूहसँग मिलेमतोमा क्याफे सञ्चालनको सम्झौता गरेको सहसचिवस्तरीय छानबिन समितिबाट देखिएपछि मंगलबार नाराणहिटी दरबार संग्रहालयका प्रमुख कार्यकारी निर्देशक भेषनारायण दाहालले पदबाट राजीनामा दिएका थिए ।
विवादमा तानिएको बतास अर्गनाइजेशनले आफूमाथि लागेको आरोपबारे ७ बुँदे विज्ञप्ति जारी गरेको थियो । अर्गनाइजेशनका अध्यक्ष आनन्दराज बतासले बुधबार विज्ञप्ति जारी गरेर सञ्चारमाध्यमले सत्यतथ्य नबुझी एकपक्षीय रुपमा समाचार प्रकाशित गरेको आरोप लगाएका छन् । उनको विज्ञप्ति आउनुअघि नै मन्त्रालयले कारवाहीका लागि पठाएको जनाएको छ ।
पोखराको बतास समूह अन्र्तगतको बी म्यानेजमेन्ट प्रालिलाई समितिले तीन वर्षका लागि संचालन गर्न ७ हजार ९ सय २६ वर्गफिट (१ रोपनी ७ आना) जग्गा तथा क्यान्टिन घर बहालमा दिएको थियो । बी म्यानेजमेन्टले प्रति वर्गफिटको १ सय ५ रुपैयाँका दरले खाली जग्गा क्यान्टीन घर मासिक २ लाख २१ हजार रुपैयाँमा बहाल दिने सर्तमा लिएपछि विवाद उत्पन्न भई मन्त्रालयले छानवीन समिति गठन गरी वतास समूह र दाहाललाई दोषी देखाएको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपत्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
शरतसिंह भण्डारी मन्त्री हुँदा गरेका तीन विवादस्पद निर्णय श्रममन्त्री अर्यालद्वारा खारेज
बैशाख ६, २०८१ बिहिबार
मनकामना केबलकार शुक्रबार बन्द हुने
बैशाख ६, २०८१ बिहिबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार
मस्कको सुझाव - रकेट एकअर्कामा होइन, ताराहरुमा पठाऊ !
बैशाख ७, २०८१ शुक्रबार
आमजनतामा सूचना प्रविधिको पहुँच बिस्तार आवश्यकः मन्त्री शर्मा
बैशाख ७, २०८१ शुक्रबार
काठमाडौँ महानगरमा निःशुल्क उपचार, कसरी लिने सेवा ?
बैशाख ७, २०८१ शुक्रबार
वीरगञ्जमा व्यापारी कुशवाह र गुप्ताको गोदामबाट सवा १ करोडका कपडा बरामद
बैशाख ७, २०८१ शुक्रबार
स्वास्थ्य मन्त्रालयको अनुरोध : स्वास्थ्य बीमाबारे भ्रामक सूचनाको भर नपर्नु
बैशाख ७, २०८१ शुक्रबार