कहिलेसम्म खरिद गर्नेले पाउनेछन प्रिमियर इन्स्योरेन्सको लाभांश ?

२९ पुस, काठमाडौं । प्रिमियर इन्स्योरेन्सले बुक क्लोज मिति तय गरेको छ । कम्पनीले साधारण सभा र लाभांश वितरण प्रयोजनको लागि माघ ५ गते बुक क्लोज गर्न लागेको हो ।
कम्पनीले माघ ५ गते बुक क्लोज गर्ने भएकाले माघ ४ गतेसम्म कम्पनीको शेयर खरिद गर्नेले लाभांश हात पार्नेछन् ।

कम्पनीको २८औं वार्षिक साधारण सभा माघ २१ गते बोलाएको छ । प्रिमियर भवन, नक्साल काठमाडौंमा बिहान ११ बजे सुरु हुनेछ । भर्चुवल माध्यमबाट पनि सभामा सहभागी हुन सकिने कम्पनीले जनाएको छ ।

गत वर्षको नाफाबाट १४ दशमलव २५ प्रतिशत बोनस शेयर कर तिर्न ०.७५ प्रतिशत नगद लाभांश वितरण गर्ने प्रस्ताव सभामा पेश गरिदैंछ ।

आर्थिक वर्ष २०७७/७८ को वासलात, नाफा–नोक्सान र नगद प्रवाहमाथि छलफल हुनेछ । आर्थिक वर्ष २०७८/७९ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि राखिएको छ ।