सरकारका ६ महिना ! एमालेको चुनौती :- देउवाको बाध्यता, परिणाम शून्य
नेपालबहस संवाददाता
पुस २९, २०७८ शुक्रबार ३:४१:२१
२९ पुस, काठमाडौं । नेकपा एमालेका अध्यक्ष केपी ओलीलाई हटाएर शेरबहादुर देउवा प्रधानमन्त्री भएको बिहिबार ६ महिना पुगेको छ । ओलीलाई बालुवाटारबाट बालकोट फर्काएको ६ महिना बितेपनि सरकारले खास गति लिन सकेको छैन । पाँच दलीय गठबन्धनमा बनेको सरकारले आशलाग्दो काम नगरेको भन्दै सरकारसँगै रहेका दलहरुका नेताहरुले आलोचना समेत गर्न थालेका छन् । मन्त्रिपरिषदलाई पूर्णता दिन नै तीन महिना लागेको थियो र अहिले तीन महिनापनि सरकारमा रहेका दलहरुले आफ्नो पार्टीको महाधिवेशन गर्न समय दिदा सरकारी कामलाई ध्यान नदिएको आरोप लाग्न थालेको छ ।
पाँचौं कार्यकालमा भने उनले समयमै मन्त्रिपरिषद् विस्तार गर्न नसकेकोदेखि सरकारका कामकारबाही गतिशील बनाउन नसकेकोसम्मका आरोप खेपिरहेका देउवाको काँधमा तीन तहको निर्वाचन गर्ने चुनौति थपिएको छ । यो चुनौतिसँगै सरकारले अहिलेको अवस्थामा कोभिड–१९को संक्रमणको सामाना पनि गर्नुपरेको छ । धिमाह गतिमा चलेको सरकारले द्रुत गतिमा बढेको संक्रमणको सामाना कसरी गर्ने हो त्यसले आगामी निर्वाचनलाई समेत प्रभावित पार्ने देखिएको छ ।
सरकारबाट हटाएपछि नेकपा एमालेले संगठन चुस्तदुरुस्त राख्न जे जस्ता कार्य गरिहेको छ अन्य दलहरु यसमा चुकिरहेका छन् । कांग्रेस र माओवादीले एमालेले जस्तै महाधिवेशन गरेको भएपनि कांग्रेसले संगठन विस्तार भन्दा सरकारमा ध्यान दिएको छ । माओवादीले पदाधिकारी नै चयन गर्न विर्सैर बसेको छ । एमालेले भने ६१ वटा जिल्ला अधिवेशन गरिसकेको छ भने प्रदेश अधिवेशन र जनवर्गीय संगठनहरुको अधिवेशनमा केन्द्रीत हुन थालेको छ । जसले गर्दा एमलेले आगामी निर्वाचनलाई समेत लक्षित गरेर स्थानीय स्तरमै कार्यक्रम थालेको छ ।
दुईपटक संसद् विघटन गरेका ओलीलाई सत्ताबाट हटाउँदा गठबन्धनका दलहरूले अहिलेको जस्तो राजनीतिक अप्ठ्यारो झेल्नुपर्ने कल्पना गरेका थिएनन् । लगातार संसद अवरोध, विधेयकहरु संसदमै थन्किएको अवस्था, आवश्यक कानुनलाई अध्यादेश ल्याउनु पर्न बाध्यता, जस्तो अप्ठेरो सरकारले भोगिरहेको छ । सरकारमा रहँदा होस वा बाहिर रहँदा होस आफ्नै निर्णयका कारण यसअघि पटक–पटक विवादमा परेका प्रधानमन्त्री देउवा यसपटक सरकारमा रहँदा पनि विवादमुक्त रहन सकेका छैनन् । पार्टी र गठबन्धनभित्रै सन्तुलन मिलाउन लागिपर्दा उनको काम गराइ निकै सुस्त गतिमा रहेको देखिन्छ ।
प्रधानमन्त्री नियुक्त हुँदा देउवा कार्यकाल घर्किएको पार्टीको महाधिवेशन गर्ने र महाधिवेशनबाट पुनः सभापतिमा निर्वाचित हुनुपर्ने बाध्यतामा थिए । अर्कोतर्फ सत्ता गठबन्धनसँगको सम्बन्धलाई सन्तुलित तबरले अघि बढाउनुपर्ने दायित्व पनि उनको काँधमा थियो । तर यी सबै कामलाई देउवाले अझै व्यवस्थित गर्न सकेका छैनन । कामलाई व्यवस्थित गर्न नसक्दा सरकारमा रहेका देउवा मात्र होइन कांग्रेसको समेत आलोचना बढ्न थालेको छ । खासगरी सरकारले तयार गरेको साझा न्यूनतम कार्यक्रममा भारले अतिक्रमण गरेको लिम्पियाधुरा, कालापानी र लिपुलेकलगायतका छिमेकी मुलुकसँग समाधान हुन बाँकी सीमा समस्या कूटनीतिक माध्यमबाट समाधान गर्ने भनेको थियो । तर, पछिल्लो समय भारतीय प्रधानमन्त्रीले नरेन्द्र मोदीले कालापानी नजिक बन्दै गरेको सडकको विषयमा विवादास्पद अभिव्यक्ति दिँदासमेत सरकार प्रतिक्रियाविहीन बनेपछि कांग्रेसको समेत आलोचना भएको हो ।
त्यतिमात्र होइन एमालेको विभाजन र सांसदलाई गरिएको कारवाही प्रकरणले संसद अवरुद्ध भैरहेको छ । राजनीतिक दलहरूले गठबन्धन गरेर एमालेलाई एक्ल्याउँदै सबैतिर सडकमा पु¥याइदिएको रिस अहिले पनि एमाले नेताहरूलाई भएकै कारण संसद चल्न सकेको छैन । एमाले विभाजनपछि संघीय सरकारदेखि प्रदेश सरकारसम्म गठबन्धनले एमालेलाई क्रमशः प्रतिपक्षी बेञ्चमा पु¥याइदियो । आगामी माघ १२ मा हुन लागेको राष्ट्रिय सभाको निर्वाचनबाट पनि एमालेले राष्ट्रिय सभामा कम्तिमा ५ सिट गुमाउने पक्का जस्तै भएको छ । प्रदेश १ का ३ सिटमा समेत जीत निकाल्न नसकेमा त्यो संख्या आठ पुग्ने छ ।
संवैधानिक निकायबाहेक सबै राजनीतिक नियुक्ति अहिलेको सरकारले उल्ट्याइदिएको छ । ओली नेतृत्वको सरकारले गरेका सबैजसो महत्त्वपूर्ण निर्णय पनि शेरबहादुर देउवा क्याबिनेटले उल्ट्याइसकेको छ । संसदमा सबैभन्दा ठूलो दलको हैसियत रहेको एमालेलाई कठिन बन्दै गएको अवस्थामा उसले जतिसक्दो कांग्रेस र सरकारको आलोचनामा समय खर्चने गरेको यथार्थलाई ध्यानमा राखेपनि सरकारले एमालेलाई साथ लिएर अघि बढ्नुपर्नेमा अझैसम्म सम्बन्ध सुधार हुन सकेको छैन ।
संसद्को अवरोध हटाउन र अमेरिकी सहयोग परियोजना मिलेनियम च्यालेन्ज कम्प्याक्ट ९एमसीसी० अनुमोदनका लागि सहयोग गरिदिन भन्दै बालकोट पुगेका प्रधानमन्त्री देउवालाई ओलीले सकारात्मक जवाफ दिन सकेन् । प्रधानमन्त्री देउवाले दुईपटक सर्वदलीय बैठक राखेर ओलीलाई सहभागिताका लागि आमन्त्रण गरेका थिए । तर एमालेले भने सर्वदलीय बैठकमा बस्न अस्वीकार गरेको थियो । जसले गर्दा एमाले अहिलेको अवस्थामा जसरी पनि संसद असफल भएको देखाउने र अर्ली इलेक्सनमा जान चाहेको छ । देउवाले पनि यो कुरा बुझेका छन् । यद्यपी कोरोनाको तेस्रो लहर आएपछि सरकारलाई निर्वाचनभन्दा पनि कोरोना नियन्त्रणमा समय विताउनु पर्ने अवस्था सिर्जना भएको छ । एकातर्फ कोरोनाको कहर र अर्कोतर्फ भारती प्रधानमन्त्रीको अभिव्यक्तिमा सरकार प्रतिक्रियाविहिन बन्दा आगामी निर्वाचन गठबन्धन सरकारलाई महंगो बन्नसक्ने परिस्थिति पनि निर्माण हुँदैछ । हरेकपल्ट नेपाली कम्युनिष्ट दलहरुले राष्ट्रियतलाई पहिलो प्राथमिकतामा राखेर चुनावमा भाग लिने गरेका छन् । जसले गर्दा कम्युनिष्ट पार्टीहरुले कांग्रेसलाई चुनौति दिएको यथार्थ छ ।
एमालेले माधव नेपालसहित १४ जना सांसदलाई गरेको कारवाही सभामुख अग्नि सापकोटाका कारण कार्यान्वयन नभएको र सापकोटाको भूमिका पनि सन्तुलित नरहेको भन्दै एमालेले संसद् अवरोध गरिरहेको विषयमा प्रधानमन्त्री देउवा मौन छन् । सरकारकै सहयात्री दलबाट बनेका सभामुखलाई हटाउन सरकारलाई फलामको च्यूरा चपाए झै भएको छ । एमालेले कि त सांसदलाई कारवाही गर्नुपर्ने नभए सभामुखले राजीनामा दिनुपर्ने विषयलाई बटमलाइन बनाउदै लगेको छ । प्रधानमन्त्री भएको नाताले एमालेको चासो सम्बोधन गरिदिनु पनि प्रधानमन्त्री देउवाको बाध्यता जस्तै भएको छ । तर यो बाध्यतासँगै देउवाले सकारात्मक रुपमा एमालेको मर्म र भावानालाई समेटेर लगेमा आगामी दिनमा सुखद परिणाम आउनसक्ने संभावना पनि कायमै रहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
बजारमा निम्न गुणस्तरको वाई वाई चाउचाउ, महानगरले चौधरी ग्रुपलाई तिरायो २ लाख
बैशाख १३, २०८१ बिहिबार
पूर्वमन्त्री अफताव आलमलाई जन्मकैदको सजाय
बैशाख १३, २०८१ बिहिबार
मटिहानीमा आगलागी : न खाने अन्न रह्यो, न फेर्ने लुगा !
बैशाख १३, २०८१ बिहिबार
खडेरीले मकै सुक्न थालेपछि नारायणी लिफ्टबाट पानी छाडियो
बैशाख १३, २०८१ बिहिबार
उपनिर्वाचनमा २ हजार ३८७ प्रहरी परिचालन, ५९ मतदान केन्द्र अतिसंवेदनशील
बैशाख १३, २०८१ बिहिबार
कांग्रेस नेता शेर्पासहित ३ जनालाई धरौटीमा छाड्न सर्वाेच्चको आदेश
बैशाख १३, २०८१ बिहिबार