कामना सेवाको मुनाफासँगै प्रतिशेयर आम्दानीमा गिरावट ?

४ माघ, काठमाडौं । कामना सेवा विकास बैंकले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण सार्वजनिम गरेको छ । बैंकले माघ ४ गते मंगलबार वित्तीय विवरण प्रकाशित गरेको हो।

दोस्रो त्रैमाससम्मसम्म आइपुग्दा बैंकको मुनाफासँगै प्रतिशेयर आम्दानीमा गिरावट आएको हो । चालु आर्थिक वर्षको दोस्रो त्रैमासमा बैंकले ३४ करोड ३६ लाख रुपैयाँ मुनाफा आर्जन गरेको छ। बैंकले गत आर्थिक वर्षको दोस्रो त्रैमाससम्ममा ३९ करोड रुपैयाँ मुनाफा गरेको थियो ।

बैंकको खुद ब्याज आम्दानी र सञ्चालन नाफा भने बढेको छ । बैंकले गैर सञ्चालन आम्दानी नगरेकाले खुद नाफा घटेको हो ।

पुस मसान्तसम्म आइपुग्दा बैंकको वितरणयोग्य नाफा ९ करोड ६७ लाख ९२ हजार रुपैयाँमा सीमित भएको छ । गत वर्ष यसैअवधिमा बैंकको वितरणयोग्य नाफा २७ करोड १९ लाख ६७ हजार रुपैयाँ थियो । खुद ब्याज आम्दानी ३१.६६ प्रतिशतले बढेर ९० करोड ५९ लाख ६० हजार रुपैयाँ पुगेको छ ।

सञ्चालन नाफा ४१.५१ प्रतिशतले बढेर ४९ करोड ९ लाख ७३ हजार रुपैयाँ पुगेको छ । दोस्रो त्रैमाससम्म आइपुग्दा बैंकको प्रतिसेयर आम्दानी २१ रुपैयाँ ८७ पैसा र प्रतिसेयर नेटवर्थ १३३ रुपैयाँ ०२ पैसा छ ।