अधिकांश वाणिज्य बैंकको सीडी रेसियो तोकिएको सिमा भन्दा धेरै

९ माघ, काठमाडौं । अधिकांश वाणिज्य बैंकको सीडी रेसियो केन्द्रीय बैंकले तोकिएको सिमा भन्दा धेरै पुगेको छ । सीडी रेसियो तोकिएको सिमा भन्दा धेरै पुगेको अधिकांश बैंकले कर्जा दिन नसक्ने अवस्थामा पुगेका हुन् ।

निक्षेपको तुलनामा कर्जाको माग धेरै भएपछि अधिकांश बैंकहरु कर्जा दिन नसक्ने अवस्थामा पुगेका छन् ।

केन्द्रीय बैंकले तोकेको सीडी रेसियोको सीमाभन्दा बढी भएका कारण चालु आर्थिक वर्षको दोस्रो त्रैमासमा आइपुग्दा १३ वटा बैंक कर्जा लगानी गर्न नसक्ने अवस्थामा पुगेका हुन् ।

मौद्रिक नीतिमार्फत् राष्ट्र बैंकले २०७९ असार मसान्तसम्म सीडी रेसियो ९० प्रतिशत राखेको छ । पुस मसान्तसम्म बैंकहरुको औषत सीडी रेसियो ९०.२४ प्रतिशत पुगेको छ ।

सीडी रेसियो उच्च भएमा १३ वाणिज्य बैंक

हाल सबैभन्दा बढी नेपाल इन्भेष्टमेन्ट बैंकको सीडी रेसियो ९५.६९ प्रतिशत रहेको छ । त्यस्तै,कुमारी बैंकको ९५.५५ प्रतिशत, कृषि विकास बैंकको ९४.५२ प्रतिशत, बैंक अफ काठमाण्डूको ९१.७६, सेञ्चुरी बैंक ९०.७८, सिभिल बैंक ९०.७२, ग्लोबल आइएमई बैंक ९०.७३, हिमालयन बैंक ९१.५४, माछापुुच्छे« बैंक ९०.१८, मेगा बैंक ९३.१४, एनसीसी बैंक ९२.९१, नेपाल एसबीआई बैंक ९५.०६, प्राइम बैंक ९४.८३ प्रतिशत रहेको छ ।

कर्जा दिन सक्ने अवस्थामा रहेका १४ वाणिज्य बैंक 

अन्य १४ वटा बैंकको सीडी रेसियो भने ९० प्रतिशत भन्दा कम रहेका छन् । साथै, सिटिजन्स बैंकको ८९.७० प्रतिशत, एभरेष्ट बैंक ८९.९९, लक्ष्मी बैंक ८८.८७ प्रतिशत, नबिल बैंक ८९.३५ प्रतिशत, नेपाल बंगलादेश बैंकको ८८.१९ प्रतिशत, नेपाल बैंक ८९.६२ प्रतिशत, एनआईसी एसिया बैंक ८८.८९ प्रतिशत, एनएमबी बैंक ८८.८८ प्रतिशत, प्रभु बैंक ८१.९० प्रतिशत, राष्ट्रिय वाणिज्य बैंकको ८३.४९ प्रतिशत, सानिमा बैंक ८६.९२ प्रतिशत, सिद्धार्थ बैंक ८८.८१ प्रतिशत, स्टयाडर्ड चार्टर्ड बैंक ८७.९२ प्रतिशत र सनराइज बैंकको ८९.५७ प्रतिशत रहेको छ ।