आज अर्घाखाँचीमा ३१ जना संक्रमित थपिए

◊ हरिप्रसाद भुसाल

९ माघ, अर्घाखाँची । अर्घाखाँचीमा आज ३१ जना कोरोना संक्रमित थपिएका छन् । ३१ जनामा कोरोना पुष्टि हुँदा सोही अवधिमा दुई जना संक्रमण मुक्त भएका छन् ।

३१ जनामा संक्रमण पुष्टि भएसँगै अर्घाखाँचीमा सक्रिय संक्रमित संख्या १ सय ८० पुगेको छ । अर्घाखाँचीमा हालसम्म कूल संक्रमित संख्या ४ हजार ६ सय ८८ पुगेको छ ।

हालसम्म कोरोना जित्नेको संख्या ४ हजार ४ सय १७ रहेको छ । अर्घाखाँचीमा हालसम्म ९१ जनाले कोभिडबाट ज्यान गुमाएका छन् ।