एआईजीको दरबन्दी पाँच बनाउन प्रधानमन्त्रीको निर्देशनः गृह र अर्थमन्त्री अलमलमा
नेपालबहस संवाददाता
माघ ११, २०७८ मंगलबार १४:५२:१६
११ माघ, काठमाडौं । नेपाल प्रहरीमा थप गर्न लागिएको प्रहरी अतिरिक्त महानिरीक्षक (एआईजी) दरबन्दीमा गृहमन्त्रालय र अर्थमन्त्रालयको द्वन्द बढेपछि प्रधानमन्त्री शेरबहादुर देउवाले साविक दरबन्दीमा थप पाँच थप्न निर्देशन दिएका छन् ।
हाल नेपाल प्रहरीमा प्राविधिकसहित ६ एआईजीको दरबन्दी रहेकोमा साविकमा पाँच थपेर ११ बनाउन निर्दैशन दिएका हुन् । ‘पछि नथप्ने गरी, धेरै विवाद नआउने गरी, आकांक्षी मध्येका अब्बललाई भाग पुग्ने गरी पाँच वटा दरबन्दी बनाउनु, अहिले रस्साकस्सी गर्नेहरुको पनि चित्त बुझाउनु’, प्रधानमन्त्री देउवाले गृहमन्त्री बालकृष्ण खाँण र अर्थमन्त्री जनार्दशन शर्मा दुवैलाई सँगै राखेर निर्देशन दिएको स्रोतले बतायो ।
प्रधानमन्त्रीको सो दबाबपछि गृहमन्त्री र अर्थमन्त्री दुवै अलमलमा परेका छन् । त्यसपछि अर्थमन्त्रीको आलटाल पनि बन्द भएको स्रोतले जनाएको छ । प्रधानमन्त्रीको सो निर्देशनपछि गृहमन्त्रालयले पहिलाको ओएण्डएम पनि प्रहरी प्रधान कार्यालयलाई फिर्ता पठाएको छ ।
स्रोतका अनुसार प्रधानमन्त्री देउवाको सो निर्देशनपछि प्रहरी प्रधान कार्यालयले त्यही अनुसारको ओएण्डएम सच्याउने तयारी थालेको छ । ‘पहिला तीन वटाको प्रस्ताव पठाइएको थियो,अहिले थप दुईको पनि कुरा आएको छ अर्को पनि ओएण्डएम गर्दैछौ’, प्रहरी प्रधान कार्यालय स्रोतले भन्यो ।
एआईजीको दरबन्दी थप गर्न भदौदेखि नै प्रयास भएको थियो तर अहिलेसम्म थपिएको छैन । अब पनि राष्ट्रियसभा निर्वाचन अघि सरकारले दरबन्दी थप नगर्ने स्रोतले जनाएको छ । अहिलेसम्म तीन पटक दरबन्दी थप गर्ने प्रयास भएको छ । गृहमन्त्रालयले पठाएको फाइललाई अर्थ मन्त्रालयले स्वीकृति नदिने र गृहमन्त्रालयमै फर्किने मात्रै भएको थियो । माओवादीको भागमा कुनै पनि एआईजी नपरेपछि अर्थमन्त्रालयले गृहको फाइल पटक पटक फिर्ता गरेको हो ।
अर्थमन्त्री जनार्दन शर्माले बजेट अभाव देखाएर दरबन्दी थप गर्न आनाकानी गरेपछि पुस २९ मा गृह मन्त्रालयले प्रहरी प्रधान कार्यालयबाट आएको प्रस्तावलाई सिधै मन्त्रिपरिषदमा पठाएको थियो । मन्त्रिपरिषदले अर्थको स्वीकृति ल्याउनु भनेपछि सो फाइल जस्ताको तस्तै गृहमा फिर्ता गरिएको थियो । मन्त्रिपरिषदबाट फाइल गृहमा फिर्ता आएपछि प्रधानमन्त्री देउवाले दुवै मन्त्रीलाई सँगै राखेर पाँच दरबन्दी बनाउन निर्देशन दिएको स्रोतको दावी छ । प्रहरी प्रधान कार्यालयले गृह मन्त्रालयमा तीन जना एआईजी थप्न संगठन व्यवस्थापन तथा सर्वेक्षण (ओएन्डएम) गरी केही समयअघि पठाएको थियो । त्यसलाई अर्थमा पठाउदा अर्थले स्वीकृति नदिएपछि गृहमन्त्री बालकृष्ण खाँणले सिधै मन्त्रिपरिषदमा पठाएका थिए । तर त्यो फाइल गृहमै आएको थियो ।
गृहप्रवक्ता फणिन्द्रमणी पोखरेलले भने एआईजीको दरवन्दी थप गर्ने विषय आफूलाई जानकारी नभएको बताए । ‘अहिले यो विषयमा गृहमा छैन, फाइल आए यही आउछ’, प्रवक्ता पोखरेलले भने । प्रहरी प्रधान कार्यालयका प्रवक्ता एसएसपी विष्णुकुमार केसीले पनि प्रहरी प्रधान कार्यालयबाट गृहमन्त्रालयमा तीन एआईजी थप गर्ने प्रस्ताव गएको र त्यो बाहेक आफूलाई केही जानकारी नभएको बताए । ‘प्रहरी प्रधान कार्यालयले तीन एआईजीको दरबन्दी थप गर्नुपर्ने ओएण्डएम पठाएका हौ, मन्त्रालयबाट के के भयो भन्ने जानकारी छैन, सोध्ने विषय पनि परेन’, एसएसपी केसीले भने । अहिले राष्ट्रियसभाको निर्वाचन सम्बन्धी आचारसंहिता कायमै छ, तत्कालै निर्णय गर्न अप्ठेरो परेकाले मन्त्रिपरिषदबाट सो सम्बन्धी प्रस्ताव निर्वाचन आचारसंहिता फूकुवा भएपछि मात्रै पास हुने बताइएको छ ।
प्रहरी प्रधान कार्यालयले एआईजी र डीआईजी तहमा नयाँ दरबन्दी थपका लागि सिफारिस गरेको यो तेस्रो पटक हो । प्रधान कार्यालयले भदौ र कात्तिकमा पनि दरबन्दी थपको प्रस्ताव गृहमा पठाएको थियो । सोही प्रस्तावअनुसार दरबन्दी थपका लागि बजेट स्वीकृत गर्न गृहले अर्थ मन्त्रालयमा सिफारिसपत्र पनि पेस गरेको थियो । उतिबेलाको प्रस्ताव स्वीकृत नभएपछि अहिले एआईजी तहमा पाँच दरबन्दी थप गर्ने प्रस्ताव अघि बढाइएको हाे ।
यो प्रस्ताव स्वीकृत भएमा एआईजी तहमा प्राविधिकसहित ११ दरबन्दी हुनेछन् । पछिल्लो ओएन्डएम अनुसार नेपाल प्रहरीमा प्रहरी नायब महानिरीक्षक (डीआईजी) ६ र प्रहरी वरिष्ठ उपरीक्षक (एसएसपी) तहमा थप १४ दरबन्दी सिर्जना गरिएको छ । ‘एआईजी तहमा पाँच, डीआईजी तहमा ६ र एसएसपी तहमा १४ दरबन्दी थप्नेबारे ओएन्डएम भएको थियो । ६ डीआईजी र १४ एसएसपीको दरबन्दी थप गर्ने विषय भने अर्थले फिर्ता नै गरिसकेको छ । ‘एआईजीको दरबन्दी थपिएपछि डीआईजी र एसएसपीको पनि दरबन्दी पनि सहजै थपिनेछ’, गृहमन्त्रालयका एक अधिकारीले भने ।
अघिल्लो पटक अन्यायमा परेका डीआईजीहरु प्रकाशजंग कार्की, वसन्त पन्त, धीरजप्रताप सिंह, उत्तम सुवेदीहरुलाई जिम्मेवारी दिनेगरी सो प्रस्ताव अघि बढेको छ । अन्य डीआईजीहरु दिवेश लोहनी, अरुण विसी, रविन्द्र धानुक, वसन्त लामा लगायतलेपनि एआईजीमा दावी गरेका छन् । कार्की हालका प्रहरी महानिरीक्षक शैलेश थापाका व्याची हुन भने, सिंह, सुवेदी, लोहनी, बीसी, धानुक, लामा भने हालको एआईजीद्वय विश्वराज पोखरेल र सहकुल थापाका व्याची हुन् । उनीहरुमध्ये अहिले धेरै जना शक्तिकेन्द्रको नजिक हुन खोजिरहेका छन् । यी मध्ये रविन्द्र धानुक र वसन्त लामा पनि हालकाे शक्तिकेन्द्रसँग नजिक हुन खोजिरहेका छन् ।
लामा आफ्नै सहकर्मीलाई ३३ किलो सुनकाण्डमा झूठा मुद्धा लगाएर फसाएका कारण उनका लागि यसपटकको बढूवा फलामको च्यूरा जस्तै भएको छ । त्यस्तै डीआईजी धानुक आफ्नै कारणले पछि परेका छन् । आफ्नो काम नहुँदासम्म शक्ति केन्द्र धाउने काम सकिएपछि फोन पनि नउठाउने डीआईजी धानुक यसपटक पुरानो व्यवहारका कारण शक्तिकेन्द्रको मन जित्न नसकेका कारण पछि परेको स्रोतको दावी छ । धानुक आफैले यसपटक आफू अर्थमन्त्री जनार्दन शर्माको नजिक रहेको भन्दै प्रचारबाजी गराइरहेका छन् । तर अर्थमन्त्रीसँग उनको सम्बन्ध लुम्बिनी प्रदेश प्रहरी कार्यालयको प्रमुख भएदेखिनै सम्बन्ध विग्रेको बताइएकाे छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
राहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
इलाम उपनिर्वाचनमा कांग्रेस
बैशाख १२, २०८१ बुधबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
यस्तो छ आजको विदेशी मुद्राको विनिमय दर
बैशाख १३, २०८१ बिहिबार
आजको मौसम : यी ठाउँमा हुरीबताससहित वर्षाको सम्भावना
बैशाख १३, २०८१ बिहिबार
दिल्लीले चार रनले हरायो गुजरातलाई
बैशाख १३, २०८१ बिहिबार
यस्तो छ तपाइको आजको राशिफल
बैशाख १३, २०८१ बिहिबार
बागमती मन्त्रिपरिषद् बैठक : लैङ्गिक तथा यौनिक अल्पसङ्ख्यक नीति स्वीकृत
बैशाख १२, २०८१ बुधबार
स्याङ्जामा आगोले पाइप जलेपछि खानेपानीको समस्या
बैशाख १२, २०८१ बुधबार