३ जेष्ठ २०७९, मंगलवार

अछामको जनसंख्या साढे २८ हजारले घट्यो

प्रकाशित मिति :  १३ माघ २०७८, बिहीबार २०:५४


कल्पना बोहरा

१३ माघ, अछाम । राष्ट्रिय जनगणना २०७८ को प्रारम्भिक नतिजाअनुसार अछामको जनसंख्या घटेको छ । २०६८ सालको भन्दा २८ हजार ५ सय ७० ले घटेको हो । राष्ट्रिय जनगणना २०७८ को प्रारम्भिक नतिजाअनुसार अछामको जनसंख्या २ लाख २८ हजार ९ सय ७ रहेको छ ।

२०६८ सालको राष्ट्रिय जनगणनामा अछामको जनसंख्या २ लाख ५७ हजार ४ सय ७७ थियो । जिल्लामा सबैभन्दा बढी जनसंख्या मंगलसैन नगरपालिकाको र सबैभन्दा कम बान्निगढी जयगढ गाउँपालिकाको रहेको छ ।

मंगलसैन नगरपालिकामा २६ हजार ८ सय ४३ रहेको छ भने बान्निगढी जयगढ गाउँपालिकाको जनसंख्या १३ हजार ६ सय ३९ जनसंख्या रहेको छ । त्यसैगरी बढी हुनेमा दोस्रो पन्चदेवल विनायक नगरपालिकाको जनसंख्या २६ हजार ३ सय १६ रहेको छ । तेस्रोमा साँफेबगर नगरपालिका जनसंख्या २५ हजार ९ सय ९० रहेको छ ।

त्यसै गरी तुर्माखाँद गाउँपालिकाको २४ हजार ४ सय ४० रहेको छ । मेल्लेख गाउँपालिकाको २३ हजार ९६ रहेको छ । त्यसै गरी ढकारी गाउँपालिकाको जनसंख्या २२ हजार ५ सय ५३ रहेको छ । चौरपाटी गाउँपालिकाको जनसंख्या २२ हजार ४ सय ७ रहेको छ भने कमलबजार नगरपालिकाको जनसंख्या २० हजार ९ सय ४७ रहेको छ ।

२०७८ को प्रारम्भिक नतिजा अनुसार महिला १ लाख २३ हजार ५ सय १७ र पुरुष १ लाख ५ हजार ३ सय ९० रहेको छ । अछाममा पुरुष भन्दा महिला १८ हजार १ सय २७ जना बढी देखाएको छ । २०७८ को प्रारम्भिक नतिजा अनुसार ३९ हजार ३ सय ७५ घर संख्याको गणना गरिएको उल्लेख गरिएको छ । अछाममा परिवार संख्या ४९ हजार ९ सय ६९ रहेको जनाएको छ ।


नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया दिनुहोस !
छुटाउनुभयो कि?
ताजा