गोर्खाज फाइनान्सको सीईओमा सन्तोष कुमार घिमिरे नियुक्त

२० माघ, काठमाडौं । गोर्खाज फाइनान्स लिमिटेडले प्रमुख कार्यकारी अधिकृत ‘सीईओ मा सन्तोष कुमार घिमिरेलाई नियुक्त गरेको छ ।

कम्पनीको माघ १८ गते बसेको सञ्चालक समितिको बैठकले माघ १९ गतेदेखि लागू हुने गरी आगामी ४ वर्ष सम्मका लागि प्रमुख कार्यकारी अधिकृतमा सन्तोष कुमार घिमिरेलाई नियुक्त गरेको नेप्से मार्फत जानकारी गराएको हो ।

त्यसैगरी, कम्पनीको सञ्चालक समितीमा रित्त रहेको संस्थापक शेयरधनीको तर्फबाट कल्पना खापुङ र सर्वसाधारण तर्फबाट नीलम बोहरालाई नियुक्त गरेको छ ।

त्यसैगरी, रिक्त रहेको स्वतन्त्र सञ्चालक पदमा सागर शर्मालाई एक कार्यकालको लागि नियुक्त गरेको कम्पनीले नेप्से मार्फत जानकारी गराएको हो ।