१८ निर्जीवन बीमा कम्पनीः ६ महिनामा कुनले कति कमाए ?

९ फागुन, काठमाडौं । १८ निर्जीवन बीमा कम्पनीले चालु आवको ६ महिनामा १ अर्ब ९८ करोड ९१ लाख ९३ हजार रुपैयाँ मुनाफा गरेका छन् ।

अघिल्लो वर्षको यसैअवधिमा निर्जीवन बिमा कम्पनीहरुले २ अर्ब ८ करोड १५ लाख ८१ हजार रुपैयाँ मुनाफा कमाएका थिए । गत वर्षको तुलनामा चालु आवको दोस्रो त्रैमासमा भने निर्जीवन कम्पनीको मुनाफा गिरावट आएको छ । चालु आवको दोस्रो त्रैमासमा सबैभन्दा धेरै शिखर इन्स्योरेन्सले मुनाफा गरेको छ ।

शिखर इन्स्योरेन्सले चालु आवको दोस्रो त्रैमाससम्ममा २४ करोड ३० लाख १० हजार रुपैयाँ मुनाफा गरेको छ । कम्पनीको मुनाफा गत आवको तुलनामा ०.६६ प्रतिशतले बढेको छ । गत आवको दोस्रो त्रैमासमा कम्पनीले २४ करोड १४ लाख मुनाफा गरेको थियो ।

दोस्रो त्रैमासमा १८ निर्जीवन बीमा कम्पनीमध्येका ७ कम्पनीको मुनाफा गत वर्षको दोस्रो त्रैमासको तुलनामा घटेको छ भने अन्य ११ बढेको छ ।