बेस्ट फाइनान्सको वार्षिक साधारणसभा कहिले ?

१२ फागुन, काठमाडौं । बेस्ट फाइनान्सको २५ औ‌ वार्षिक साधारणसभा मिति तय भएको छ । कम्पनीको सभा चैत्र ४ गते हुने भएको हो । बैंकको फागुन ११ गते बसेको बैठकले चैत ४ गते साधरणसभा गर्ने निर्णय गरेको हो ।

साधारण सभा प्रयोजनार्थ फाइनान्सले फागुन २० गते एक दिनका लागि बुकक्लोज गर्ने भएको छ । फागुन १९ गतेसम्म नेप्सेमा कारोबार भइ कायम शेयरधनीहरुले फाइनान्सको साधारण सभामा सहभागिता जनाउन सक्नेछन् ।

सभाले अन्य उपयुक्त बैंक तथा वित्तीय संस्थासँग मर्जर तथा एक्विजिशनसम्बन्धी कार्य गर्न सञ्चालक समितिलाई अख्तियारी दिने, लेखापरीक्षक नियुक्त गर्ने लगायतका प्रस्तावहरु पारित गर्नेछ फाइनान्सले जनाएको छ ।