यस्तो छ शेयरबजारको साप्ताहिक समीक्षाः बजार बिस्तारै सम्हालिँदै (प्राविधिक पक्षसहित)

२७ फागुन, काडमाडाैं । यो साताको अन्तिम कारोबारमा शेयरबजारमा ५२.३१ अंकले बढोत्तरी आएको छ । गएको एक महिनादेखि लगातार गिरावट आएको शेयरबजारमा यो साता हाप सेन्चुरी भन्दा बढी अंकले उकालो लागेको हो ।

आधारभुत तथा प्राविधिक बिश्लेषकहरुले बजार अब घट्न रोकिएको बताएका छन् । क्लबहाउस तथा ब्रोकरहाउसमा भेटिएका लगानीकर्ताहरु पनि अब बजारमा बटम लागेको बताउँछन् । यो साता शेयरबजारमा ४ दिन कारोबार भयो । चार दिनमा बजार २ दिन घट्यो भने २ दिन बढ्यो ।

साप्ताहिक रुपमा बजारमा लगभग १० अर्ब १६ करोड भन्दा बढी कारोबार भयो । गत साता २५४७.०४ मा अंकमा बन्द भएको बजार यो साता
२५६६.०४ मा बन्द भएको छ । यो हिसाबले बजारमा यो साता १९.८६ अंकले बढोत्तरी आएको छ ।

यो साता औषत दैनिक कारोबार साढे २ अर्बले भएको छ । यो साता सुखद तथा लगानीकर्ताको बलियो मनोबलको साथ बन्द भएको बजार आगामी साता पनि उकालो लाग्न सक्ने
बिश्लेषकहरुको तर्क छ ।

प्राविधिक पक्षः

प्राविधिक रुपमा विभिन्न औजारहरुलाई केलाउँदा यो साता लगानीकर्ताको मनोबल बलियो बन्दै गएको देखिन्छ । बोलिङगर ब्याण्ड अन्तरगत ब्याण्ड केही खुम्चिदै गएको र बजारले तल्लो ब्याण्डमा छोएर हरियो मारुबुजु क्याण्डल बनेको छ । यसको साथै अघिल्लो दिनको क्याण्डलसँग मिलाएर हेर्दा बजारले बुलिस इन्गल्फिङ बनेको देखिन्छ । ( हेर्नुस कालो एरो)

एमएसीडी अन्तरगत हेर्दा पनि बिस्तारै हिस्टोग्राम छोटा छोटा हुँदै गएका छन र एमएसीडी लाइन बुलिस क्रस ओभरको नजिक नजिक भएको देखिन्छ । ( हेर्नुस कालो एरो)

आरएसआई अन्तरगत न्युन बिन्दु २७ को जोनबाट हुक बनाएर बजार फकिर्न कोशिश गरेको देखिन्छ । भोलुम पनि बिस्तारै बढेको छ । यी चारवटै इन्डिकेटरले बजारमा क्रमशः सुधार हुँदै गएकोले घट्ने क्रम रोकिएको देखिन्छ ।