प्रभु लाइफ इन्स्योरेन्स संचालक समितिको अध्यक्षमा अमात्य चयन

१६ चैत, काठमाडौं । प्रभु लाइफ इन्स्योरेन्सले संचालक समितिको अध्यक्षमा चयन गरेको छ । प्रभु लाइफ इन्स्योरेन्सले संचालक समितिको अध्यक्षमा सुभाष अमात्यलाई चयन गरेको हो ।

चैत १६ गते बसेको संचालक समितिको बैठकले संस्थापक शेयरधनीहरुबाट संचालकमा प्रतिनिधित्व गरिरहेका सुभाष अमात्यलाई संचालक समितिको अध्यक्षमा चयन गरेको छ ।

नवनियुक्त अध्यक्षले आजै बीमा समितिका अध्यक्ष सूर्य प्रसाद सिलवालबाट सपथ ग्रहण गरी कार्यभार सम्हालेका छन । कम्पनीका पूर्व अध्यक्ष्त डा.आत्माराम घिमिरेले चैत १६ गतेदेखि लागूहुने गरी व्यक्तिगत कारण जनाउदै राजिनामा दिएका थिए ।

२०७४ मंसिर २८ गतेबाट संचालनमा आएको यस कम्पनीले देशभरका १०० वटा शाखा÷उपशाखा कार्यालयहरुबाट जीवन बीमा व्यवसाय संचालन गर्दै आइरहेको छ ।