तेस्रो राष्ट्रिय लघुवित्त सदस्य सम्मेलन सुरु
नेपालबहस संवाददाता
चैत २८, २०७८ सोमबार २३:४१:४०
२८ चैत,काठमाडौँ । तेस्रो राष्ट्रिय लघुवित्त सदस्य सम्मेलन काठमाडौँमा सुरु भएको छ । सम्मेलनमा लघुवित्त कार्यक्रम सञ्चालन गरेका २०० संस्थाबाट ६०० सदस्य तथा संस्था प्रतिनिधिको सहभागिता रहेको आयोजक स्वाबलम्वन विकास केन्द्रले जनाएको छ ।
केन्द्रका अध्यक्ष शङ्करमान श्रेष्ठले सम्मेलनमा ७७ जिल्लामा लघुवित्त सेवा प्रदान गरिरहेका ७९ वटा लघुवित्त वित्तीय संस्था र १५० वटा सहकारी संस्थाको सहभागिता रहेको बताए । उहाँका अनुसार लघुवित्त वित्तीय संस्थाको मात्र ४३० अर्ब रुपौयँभन्दा बढी कर्जा लगानीमा भएको र जसमध्ये ३७१ अर्ब रुपैयाँ खुद्रा र ६९ अर्ब थोक कर्जा प्रदायक लघुवित्त संस्थाले लगानी गरेका छन् । विसं २०७५ सम्म २७ लाख मानिसले लघुवित्त सेवा प्राप्त गरेको केन्द्रको दाबी छ । तीन वर्षको अवधिमा लघुवित्त सेवा प्राप्त गर्नेको सङ्ख्या शतप्रतिशत भन्दा धेरै बढेको जनाइएको छ । करिब ५४ लाख ५० हजार महिला तथा एक लाख ५० हजार पुरुषहरुले यो सेवा प्राप्त गरेका छन् ।
मुलुकभर चार हजार ९६५ शाखामार्फत २३ हजार २८१ लघुवित्तकर्मी लघुवित्त सेवामा संलग्न रहेको दाबी संस्थाको रहेको छ । ‘घर घरमा उद्यम फैलाऊँ, गरिबीलाई शून्य बनाऊँ’ भन्ने मूल नारासहित तेस्रो सम्मेलनको आयोजना गरिएको लागेको श्रेष्ठले बताए ।
सम्मेलनको उद्घाटन गर्दै नेपाल राष्ट्र बैंकका कायममुकायम गभर्नर डा नीलम ढुङ्गानाले लघुवित्तले गरिब र लक्षित समुदायको आर्थिक पुनरुत्थान गर्न, लैङ्गिक असमानतालाई न्यून गर्न, महिला सशक्तीकरणलाई टेवा दिन र आर्थिक असमानतालाई कम गर्न मद्दत गरेको बताए । “लघुवित्तले वित्तीय सेवाबाट वञ्चित रहेका समूहलाई स्वरोजगारका अवसर विकास गर्न र विभिन्न आयआर्जन गर्ने गतिविधि विस्तार गर्न मद्दत पु¥याएको छ”, उनले भने, “लघुवित्तले महिलाको आर्थिक उन्नतिमा महत्वपूर्ण भूमिका खेलेको छ ।”
बीस प्रतिशत जनसङ्ख्याको हिस्सा औपचारिक वित्तीय पहुँचभन्दा बाहिर रहेको स्थितिमा लघुवित्त वित्तीय संस्थालाई गरिबी निवारण, आर्थिक समावेशीकरण र समग्र आर्थिक विकासका लागि प्रभावकारी साधन मानिएको उनको भनाइ छ । केन्द्रका अध्यक्ष श्रेष्ठले एकै व्यक्तिले धेरै लघुवित्त संस्थाबाट कर्जा लिएको भन्दै त्यसमा कडाइ गर्नुपर्ने बताए ।
“लघुवित्तले गरिबीलाई शून्यमा झार्न सक्नुपर्छ । २२÷२४ वटा संस्थाबाट समेत कर्जा लिएको पाएको छु । त्यसैले सङ्ख्यात्मक वृद्धि गर्न सदस्य खोसाखोस नगराँैं”, उनले भने । उनले लघुवित्त स्वनियमनमा बस्नुपर्ने आवश्यकता आँैल्याए । “पुरानो ढर्राबाट अब चल्न हुँदैन । अहिले नै सचेत बन्नुपर्छ । ढिला गर्न हुँदैन । स्वनियममा बस्न अरुले निर्देशन दिनपर्दैन । राम्रो कामका लागि नेपाल राष्ट्र बैंकको निर्देशन कुर्नुपर्दैन”, उनले भने ।
सम्मेलनमा प्रधानमन्त्री देउवाले पठाएको शुभकामना सन्देश पढेर सुनाइएको थियो । प्रधानमन्त्रीले सन्देशमा देशका विभिन्न क्षेत्रमा रहेका लघुवित्तले स्थानीय उत्पादनमा वृद्धि गरी स्थानीयस्तरमा रोजगारी सिर्जना गरेको बताएका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपअध्यक्ष चयनमा समस्या आएपछि धितोपत्र बोर्डको जिम्मेवारी शाक्यलाई
बैशाख ४, २०८१ मंगलबार
यस्तो छ लगानी सम्मेलनको दुई दिने कार्यतालिका
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
भारतले रोक्यो नेपाली चियाको निर्यात
बैशाख ७, २०८१ शुक्रबार
संसदीय समितिमा फास्ट ट्रयाकबारे सेनाको बिफ्रिङ
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एसीसी प्रिमियर कपको फाइनलमा ओमान र युएई भिड्ने
बैशाख ७, २०८१ शुक्रबार
नेशनल पेमेन्ट गेटवे भ्रष्टाचार प्रकरणमा सुनिल पौडेल दोषी ठहर, ८ जनाले पाए सफाइ
बैशाख ७, २०८१ शुक्रबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार