गैरजिम्मेवार सरकारको भर हुँदैन, तर हामी सजग हुनुपुर्छ : ओली

२९ चैत, काठमाडौं । नेकपा एमालेका अध्यक्ष केपी ओलीले वर्तमान सरकार आफै समयमा चुनाव गरेर लोकतन्त्र जोगाउने भन्दा चुनाव नगरेर षड्यन्त्र गर्नतर्फ लागिरहेको आरोप लगाएका छन् ।

मंगलबार ‘संघर्षशील योद्धाहरु’ नामक ‘पुस्तक लोकापर्ण’ समारोहलाई सम्बोधन गर्दै एमाले अध्यक्ष ओलीले गैरजिम्मेवार सरकारको भर हुन नसक्ने बताएका छन् ।

ओलीले समारोहमा अहिलेको समय पहिलेको जस्तो नभएपनि जालझेल र तिक्डम गर्ने यस्तो सरकारबाट सचेत हुनुपर्ने बताएका छन् ।

सरकारले जालझेल र षड्यन्त्र गरेर जाली मुद्दा लगाउन सक्ने आशंका व्यक्त गरेका छन् । जनताबाट नभई परमादेशबाट बनेको सरकार भएकाले गैरजिम्मेवार सरकारको भर हुन नसक्ने टिप्पणी गरेका समेत गरेका छन् ।

उनले सरकार आफै समयमा चुनाव गरेर लोकतन्त्र जोगाउने भन्दा चुनाव नगरेर षड्यन्त्र गर्नतर्फ लागिरहेको पनि बताए । ‘त्यसकारण अहिले पनि के हुन्छ ? मान्छेलाई जाली मुद्धा लाग्दैन, फसाइँदैन भन्न सक्ने अवस्था छैन, यो सरकार यस्तै हो । तर हामी त्यसमा सजग हुनुपुर्छ’, ओलीको भनाइ छ ।

मोतीदेवी स्मृति केन्द्रका अध्यक्ष अष्टलक्ष्मी शाक्यको अध्यक्षतामा सम्पन्न कार्यक्रममा प्रेरणादायी महिलाहरुलाई सम्मान गरिएको थियो ।