केजीएफ च्याप्टर २ : पहिलो विकेन्डमै नयाँ कीर्तिमान

५ बैशाख, एजेन्सी । कन्नड स्टार यश अभिनित फिल्म KGF Chapter-2 ले चार दिनमै ५ सय करोड कमाएको छ । फिल्मले आइतबारसम्म भारतमा मात्रै १९३ करोड बढी कमाइसकेका छन्।

बलिउड हंगामाका अनुसार चार दिनमा फिल्मले कूल १९३.९९ करोड कमाइ गरेपछि पहिलो विकेन्डमै नयाँ कीर्तिमान बनाउन सफल भएको हो ।

फिल्मले पहिलो दिन ५३.९५ करोड, दोस्रो दिन ४६.७९ करोड, तेस्रो दिन ४२.९० करोड र चौथो दिन ५०.३५ करोड कमाइ गरेको हो। त्यस्तै विश्वभरि यो फिल्मले चौथो दिनसम्म ५ सय करोड कमाइ गरेको छ ।

केही समयअघि आरआरआरले विश्वभरि एक हजार करोड कमाइ गर्ने फिल्म बनेको थियो। फिल्ममा यशसँगै सञ्जय दत्त र रविना टण्डन मुख्य भूमिकामा देखिएका छन् ।