प्रहरीका दुई डीआईजीसहित उच्च अधिकारीमाथि अख्तियारको आँखा
नेपालबहस संवाददाता
बैशाख ८, २०७९ बिहिबार १५:२२:२६
७ बैशाख, काठमाडौं । अख्तियार दुरुपयोग अनुसन्धान आयोगले नेपाल प्रहरीका दुई डीआईजीसहित केही उच्च अधिकारीलाई छानविनको दायरामा तानेको छ । केही दिन अघि प्रहरी प्रधान कार्यालयलाई अख्तियारले पत्र लेखी उनीहरु कार्यरत रहेको कार्यालयको कागजात मागेपछि उनीहरुमाथि छानविन भएको खुलेको हो ।
अख्तियारले नेपाल प्रहरीको प्रबन्ध शाखाको कागजात मागेको थियो । त्यसैगरी उनीहरुसँग स्रोत नखुलेको सम्पत्ति रहेको उजुरीका आधारमा छानबिनको दायरामा ल्याएको हो । एसएसपी योगबहादुर पाल, एसपी मनोज यादव, एसपी प्रेम बस्नेत र डीएसपी सुधीरराज शाही लगायतमाथि छानविन सुरु भएको स्रोतले जनाएको छ ।
दुई डीआईजीहरुलाई अख्तियारले सम्पत्ति छानबिनका लागि १३ पन्ना भराइसकेको स्रोतले जनाएको छ । चार वर्षदेखि प्रबन्धमा रहेका एसपी बस्नेतमाथि अख्तियारले छानविन शुरु गरेको हो । उनी पहिला अख्तियारमै बसेर आएको भएपनि उनको बारेमा उजुरी परेपछि छानविनको दायरामा तानेको हो ।
उनी आउँदो जेठ महिनाबाट बिदा हुँदैछन् । विगत चार वर्षदेखि खरिद तथा प्रबन्धमा शाखामा रहेका एसपी बस्नेतले व्यवसायी र ठेकेदारसँग मिलेर गुणस्तरहीन कपडा बुझी प्रहरी कर्मचारीलाई गम्भीर घात गरेको आरोप लागेको छ । ठेकेदार तथा नेपाल प्रहरीका पूर्व सई ज्ञानेन्द्र बस्नेतको सेटिङमा गुणस्तरहीन कपडा ल्याएको, त्यो कपडा प्रहरी कर्मचारीले लगाउँदा तीन महिनापनि नटिक्ने आरोप लागेको छ । अख्तियारले सोही विषयमा अनुसन्धान शुरु गरेको हो । यसअघि पनि प्रहरीको खरिद प्रणाली पारदर्शी नभएको गुनासो अख्तियारमा पुगेपनि कुनै कारवाही भएको थिएन ।
त्यस्तै, एसएसपी पाल प्रहरीका विवादास्पद र पटक–पटक कारबाही भोगेका अधिकृत हुन् । राष्ट्रिय अनुसन्धानबाट प्रहरीमा आएका उनी सोलुखुम्बुमा हुँदा गम्भीर किसिमको घटनामा मुछिएर तानिएका व्यक्ति हुन् । उनले पछिल्लो समय नेपाली कांग्रेसका विभिन्न नेताहरुको नाम लिएर आर्थिक अनियमियता गरेको आरोप लागेको छ ।
एसपी यादव तीन हप्तासम्म पश्चिम नवलपरासीमा कार्यरत थिए । त्यहाँ उनले तस्करीको लाइन खुलाएर पैसा कमाएको स्रोत बताउँछ । त्यस्तै, उनको शैक्षिक प्रमाणपत्रसमेत शंकास्पद रहेको अख्तियारका एक अधिकारीले बताए । विगतमा पनि उनीमाथि छानविन भएकोमा छानविन रोक्न सफल भएका थिए । प्रहरीका अन्य केही उच्च अधिकारीविरुद्ध समेत उजुरी परेपनि विस्तृत छानविन गरिएको छैन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
भोलिदेखि कक्षा १२ को परीक्षा : तीन लाख ९० हजार आठ सय ४७ परीक्षार्थी सहभागी हुँदै
बैशाख १३, २०८१ बिहिबार
२७ करोड बढीको मुद्दामा विशेषले दियो सबैलाई सफाइ
बैशाख १३, २०८१ बिहिबार
पूर्वमन्त्री आलमसहित चार जनालाई जन्मकैदको फैसला
बैशाख १३, २०८१ बिहिबार
म्याग्दीमा पुख्र्यौली नाच प्रतियोगिता सुरु
बैशाख १३, २०८१ बिहिबार
योजना कार्यान्वयनका लागि रूपान्तरणका क्षेत्र पहिचान गरिएको छ : प्रधानमन्त्री प्रचण्ड
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार