मन्त्रिपरिषद बैठक आज बस्दै, आईजीपी नियुक्तिकाे तयारी

१८ वैशाख काठमाडौं । मन्त्रिपरिषदकाे बैठक आइतबार बस्दैछ । बिहान ११ बजे मन्त्रिपरिषद्को बैठक बस्ने तय भएको प्रधानमन्त्रीको सचिवालयले जनाएको छ ।

आज बस्ने मन्त्रिपरिषद् बैठकले नेपाल प्रहरी र सशस्त्र प्रहरीमा प्रहरी महानिरीक्षक आईजीपी नियुक्त गर्ने बताइएको छ । दुवै संगठनको नेतृत्व आजदेखि अनिवार्य अवकाशमा जाने भएकाले आज सरकारले निर्णय गर्न लागेको हो ।

नेपाल प्रहरीका महानिरीक्षक शैलेश थापा क्षेत्रीसहितका उच्च अधिकारी र सशस्त्र प्रहरी बल नेपालका आईजीपी पुष्पराम केसीसहितका अधिकारी आजदेखि अनिवार्य अवकाशमा जाँदै छन् ।

सशस्त्रमा केहीदिन अघि राजु अर्याललाई एआईजीमा बढुवा गरिसकिएको छ। एक मात्र एआईजी भएकाले उनी नै आईजीपीमा बढुवा हुने निश्चित जस्तै छ।