एमसीसी भन्दा ठूलो अनुदान सम्झौतामा हस्ताक्षर

२२ बैशाख ,काठमाडौं।अमेरिकी सहयोग नियोग युएसएड र अर्थ मन्त्रालयबीच अनुदान सहयोग पत्रमा हस्ताक्षर भएको छ। सम्झौता पत्रमा मन्त्रालयलका सहसचिव इश्वरीप्रसाद अर्याल र युएसएड नेपालका म्यानेजर सेपिध किवान्सले हस्ताक्षर गरेका छन् ।

मिलेनियम च्यालेन्ज कर्पोरेसन एमसीसी संसदबाट स्वीकृत भएसँगै अमेरिकाले ठूलो अनुदान दिएको हो। निकै राजनीतिक उतारचढावबीच एमसीसी संसदबाट पारित भएको थियो। यसपछि अमेरिकी सहयोग नियोग युएसएड बाट नेपालमा दिइने अनुदानको सीमा बढाइएको छ ।

युएसएडले ६ सय ५९ मिलियन अमेरिकी डलर ९७९ अर्ब ७१ करोड रुपैयाँ नेपाल सरकार समक्ष सहयोग प्रस्ताव गरेको थियो। यो प्रस्ताव मन्त्रिपरिषद्को चैत ३० को बैठकले स्वीकृत गरेको थियो ।

विशेषगरी यो रकम शिक्षा, स्वास्थ्य, कृषि, सडक पूर्वाधारमा खर्च गरिनेछ । यस्तै, विद्यालय निर्माण, कृषि सुधारलगायत विभिन्न क्षेत्रमा खर्च गरिनेछ ।

वर्तमान सरकार गठन भएपछि कम मात्रै वैदेशिक सहायता आइरहेको अवस्थामा यसलाई ठूलो सफलताको रूपमा हेरिएको छ। स्रोतका अनुसार एमसीसी पारित भएपछि अमेरिकाले नेपाललाई दिने अनुदान रकम बढाएको हो ।