आज थप १७ संक्रमित, मृत्युदर शून्य !

२२ वैशाख, काठमाडौं । कोरोना भाइरसको संक्रमण आज १७ जनामा मात्र देखिएको छ । स्वास्थ्य तथा जनसङ्ख्या मन्त्रालयले आज सार्वजनिक गरेको बुलेटिनमा तीन हजार ८११ जनामा कोरोना परीक्षण गर्दा नौ जनामा संक्रमण देखिएको छ ।

मन्त्रालयका अनुसार सक्रिय संक्रमितको सङ्ख्या २१७ रहेको छ । पछिल्लो समय १५ जना कोरोनाबाट निको भएर घर फर्किएका छन् । योसँगै निको हुनेको सङ्ख्या नौ लाख ६६ हजार ७३० पुगेको छ । निको हुने दर ९८.८ प्रतिशत रहेको मन्त्रालयले जनाएको छ ।

आज संक्रमणबाट कसैको पनि निधन भएको छैन । शून्य संक्रमित जिल्ला ३० पुगेका छन् । नेपालमा संक्रमण दर १७.३ प्रतिशत छ । नेपालमा प्रति १० लाखमा ३९३.४ जनाको निधन भएको छ ।

हाल होम आइसोलेशनमा २१६ र संस्थागत आइसोलेशनमा एक जनाको उपचार हुँदैछ । विगत २४ घण्टामा ९२ हजार ८८ जनाले खोप लगाएका छन् ।