२२ दिनमा विपद्का घटनामा परी २० जनाको मृत्यु, ८० घाइते

२३ वैशाख काठमाडौं । यो वर्ष विपद्जन्य विभिन्न घटनामा परी २० जनाको मृत्यु भइसकेको छ । वैशाख १ गतेयता भएका ती घटनामा ८० जना घाइते भएको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।

यो अवधिमा सबैभन्दा धेरै आगलागीका २४२ घटना भएको छ । त्यसमा परी १० को मृत्यु र ३७ जना घाइते भए । यस्तै, जंगलमा आगलागी डढेलोका ४२ घटना भएको छ । त्यसमा दुईजना घाइते भएका थिए ।

वैशाख १ देखि २२ गतेसम्म हावाहुरीका ३५ घटना भएको छ । त्यसमा परी एकको मृत्यु र सातजना घाइते भएका छन् । यो अवधिमा चट्याङका २५ घटना भएको छ । जसमा ६ को मृत्यु र २६ जना घाइते भएका थिए ।