ओलीको आग्रहः धम्की दिनेलाई भोट नदिनुस, प्रचण्डकी छोरी धेरै नबोक्नुस
नेपालबहस संवाददाता
बैशाख २५, २०७९ सोमबार १:३७:१६
२५ बैशाख, काठमाडौं । नेकपा एमालेका अध्यक्ष केपी ओलीले जनतालाई धम्की दिने पार्टी र उम्मेदवारलाई भोट दिन नहुने बताएका छन् । भरतपुर महानगरमा एमालेले आयोजना गरेको चुनावी सभालाई सम्बोधन गर्दै उनले धम्की दिनेहरूलाई भोट हाल्न नहुने बताएका हुन् ।
माओवादी अध्यक्ष प्रचण्डप्रति लक्षित गर्दै ओलीले सो कुरा बताएका हुन् । अध्यक्ष ओलीले निर्वाचन आयोगले समेत जनतालाई धम्काएको आरोप लगाएका छन् । उनले आयोगले पार्टीका कार्यकर्तालाई अरूको झण्डा बोकेर हिँडे कारबाही गर्ने भन्दै धम्काएको बताए ।
‘निर्वाचन आयोगले कारबाही गर्ने भए प्रचण्डलाई गर्नु पर्ने होइन र ? उहाँले काठमाडौंमा रुख चिन्ह बोकेर सिर्जना सिंहको पक्षमा भोट माग्नु भएको होइन र ?,’ ओलीले भने । उनले चितवनको कांग्रेसले जिन्दगीभर प्रचण्डकी छोरी बोक्नु पर्ने अवस्था आएको बताए ।
‘कांग्रेसले जिन्दगीभर प्रचण्डकी छोरीलाई जिताउनु पर्ने, जिन्दगीभर कांग्रेस बनेर हिँडेका कांग्रेसका नेता कार्यकर्ताको हालत हेर्नुहोस् त,’ उनले भने । उनले चितवनबासीलाई सम्बोधन गर्दै भने, ‘तपाईंहरूले पार्टीहरू देख्नु भएको छ, चिन्नु भएको छ, उहाँहरू अस्ती भर्खरै बोलेर जानु भएको छ, तपाईंहरूले सुन्नु भयो होला नि, चितनवमा जनताले मेरो छोरीलाई जिताए भने म खुसी हुन्छु, २० वर्षसम्म गठबन्धन टिकाउछु भनेको ।’ उनले एमाले सरकारमा गएपछि देश विकासको गति पाँच नम्बरको गियरमा चल्ने बताए ।
‘एमाले सरकारमा गयो कि विकासको गति पाँच नम्बरको गियर चल्छ,’ उनले भने । उनले कतिपय मान्छेले हामी बजेट दिँदैनौँ भने पनि बजेट तिनको घरको सम्पत्ति नभएको बताए । एमाले अध्यक्ष ओलीले नेपाली कांग्रेसको षड्यन्त्रले चरम् उत्कर्ष लिएको बताउदै कांग्रेसले सुशासन र विकासको मार्गमा तीब्र गतिमा अघि बढिरहेको देशलाई व्यवधान खडा गरेर यथास्थितिमा राख्न र पछाडि फर्काउनका लागि राष्ट्रियता, लोकतन्त्र र जनताप्रतिको कर्तव्यबोधमा कमजोर रहेका तत्वहरूलाई खोज्ने र त्यस्ताको साथ सहयोग लिएर राजनीति र देश हितका सन्दर्भमा उल्टो बाटो समातेको दावी गरे । ‘
कांग्रेसले राजीतिक दलको आधारभूत मर्ममाथि प्रहार ग¥यो । संसदीय मूल्य र मान्यतालाई नै कुल्चियो । संसद्ले सरकार निर्माण गर्ने संसदीय शासन प्रणालीको आदर्शको उपहास ग¥यो । संसद्लाई राजनीतिक निर्णयको थलो हुन नदिई बन्धक बनायो ।
स्वतन्त्र न्यायपालिकामाथि आघात पु¥यायो’, ओलीले भने । अध्यक्ष ओलीले संविधानको रक्षा गर्न, जनअधिकारको संरक्षण गर्न र देशलाई थप षड्यन्त्रको चक्रब्यूहबाट जोगाउन लोकतन्त्रप्रति प्रतिबद्ध नेकपा ‘एमाले’ सरकारका सामु अन्य विकल्प थिएनन्, रहेनन् भन्दै फलस्वरूप, जनादेशका लागि जनतामाझ जाने निष्कर्षमा पुगेको समेत स्पष्टिकरण दिए ।
‘सार्वभौम नेपाली जनताको आफ्नो सरकार जनादेशबाट निर्माण गर्ने आधारभूत संवैधानिक अधिकारमाथि कुठाराघात भयो । विकास निर्माण, सुशासन, सामाजिक परिवर्तन र रूपान्तरणको युगान्तकारी विकास अभियान फेरि एकपटक अवरूद्ध हुनपुग्यो’, ओलीले भने ‘चरम् पदीय स्वार्थ, अहङ्कार, कुण्ठा र इष्र्या राखेर संविधानको आधारभूत मर्ममाथि गरिएको यो प्रहारलाई सार्वभौम नेपाली जनताकै आदेशबाट परास्त गर्न सकिन्छ भन्ने विश्वासका साथ हामी सार्वभौम नेपाली जनतासमक्ष आएका छौं । ’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आगामी वर्षको बजेट लेख्न अर्थ मन्त्रालयले बनायो समिति
चैत १६, २०८० शुक्रबार
शुक्लाफाँटामा दुर्लभ मानिएको बाह्रसिङ्गाको गणना हुँदै
चैत १६, २०८० शुक्रबार
नेपाली सेनाको उच्चस्तरीय राष्ट्रिय सुरक्षा तालिम सम्पन्न
चैत १६, २०८० शुक्रबार
सवारी दुर्घटनाः सुदूरपश्चिममा साढे तीन वर्षमा ६ सय ७४ को मृत्यु
चैत १६, २०८० शुक्रबार
राजस्व छलीका गाडी र मोटरसाइकलसहित तीन जना पक्राउ
चैत १६, २०८० शुक्रबार
सर्वोच्चले गरिदियो कांग्रेस सांसद गुरुङको निलम्बन फुकुवा
चैत १६, २०८० शुक्रबार