एनआईबिएल एस क्यापिटल र सम्पन्न क्यापिटलबीच सम्झौता

२७ बैशाख, काठमाडौं  । एनआईबिएल एस क्यापिटल र सम्पन्न क्यापिटलबीच सम्झौता भएको छ । नेपाल इन्भेष्टमेण्ट बैंक लिमिटेड कोष प्रबद्र्घक तथा एनआईबिएल एस क्यापिटलको ‘एनआईबिएल सहभागिता फण्ड’ नामक खुलामुखी योजनाका इकाईहरुको खरिद-बिक्रीलाई सरल, सहज र व्यवस्थित बनाउन सम्पन्न क्यापिटल एण्ड एडभाईजरी नेपाललाई सामूहिक लगानी कोष नियमावली तथा सो अन्र्तगतको निर्देशिका बमोजिम योजनाको वितरक ‘एजेन्ट’ को रुपमा नियुक्त गरेको हो ।

यसअघि ‘एनआईबिएल सहभागिता फण्ड’ योजनाका इकाईहरुको कारोबार योजना व्यवस्थापक एनआईबिएल एस क्यापिटलका सम्पूर्ण शाखा, नेपाल इन्भेष्टमेण्ट बैंक लिमिटेड, मुक्तिनाथ विकास बैंक र गुडविल फाइनान्सका तोकिएका शाखाहरु मार्फत हुँदै आइरहेको थियो ।

विगत २ वर्ष भन्दाबढी समयदेखि एनआईबिएल म्युचुअल फण्ड अन्र्तगत संचालित यस योजनाले नेपालकै पूँजीबजारमा पहिलो खुलामुखी योजनाको परिचय बनाउन सफल भएको छ भने यस योजनाले संचालनको पहिलो आर्थिक वर्षमा नै आफ्ना इकाईधनीहरुलाई ८.२५% र दोस्रो आर्थिक वर्षमा ५०% नगद लाभांश प्रदान गरिसकेको छ ।

यस योजनामा लगानी गर्न लगानीकर्ताहरुले क्यापिटलको वेवसाईट www.niblcapital.com_ मा गई विद्युतीय प्रणाली मार्फत पनि लगानी गर्न सक्दछन् भने भुक्तानीको लागि Esewa, Khalti, Connect IPS, Thaili / Nepal Investment Bank Ltd को E-Banking प्रयोग गर्न सक्नेछन् । लगानीकर्ताहरुले यस योजनामा लगानी गर्न व्यवस्थित लगानी योजना (Systematic Investment Plan) एबिल  मार्फत दर्ता भई नियमित रुपमा पूर्व निर्धारण रकम लगानी गर्न सक्ने व्यवस्था समेत रहेको छ ।

योजना सम्बन्धि थप जानकारीको लागि, एनआईबिएल एस क्यापिटल लिमिटेडको वेवसाईट www.niblcapital.com तथा मुख्य कार्यलय फोन नम्बर : (०१–४४२५२८०, ०१–४४२५२८१) मा सम्पर्क गर्न सकिने छ साथै योजना व्यवस्थापकबाट तोकिएका वितरकहरुको कार्यलयमा पनि सम्पर्क गर्न सकिने छ ।