पाल्पाका सबै मतदान केन्द्रमा खटिए कर्मचारी
नेपालबहस संवाददाता
बैशाख २८, २०७९ बुधबार २०:२:१८
२८ बैशाख रामपुर (पाल्पा) । आसन्न स्थानीय तहको निर्वाचनका लागि जिल्ला निर्वाचन कार्यालय पाल्पाले दसवटै पालिकाका विभिन्न मतदान केन्द्रमा कर्मचारी खटाएको छ । जिल्लामा निर्वाचनको तयारी तीव्र पारिएको छ । निर्वाचनका लागि आवश्यक ७० प्रकारका सामग्री बुझेर कर्मचारी मतदान केन्द्रमा पुगिसकेका छन् । टोलीमा मतदान अधिकृत, सहायक मतदान अधिकृत, सहायक कर्मचारी, कार्यालय सहयोगी, प्रहरी र म्यादी प्रहरी छन् ।
जिल्ला निर्वाचनको कार्यालयबाट मतदानका लागि चाहिने आवश्यक सामग्री र मुख्य निर्वाचन अधिकृतको कार्यालय तानसेनबाट मतपत्र बोकेर मतदान केन्द्रमा खटिएको कार्यालयले जनाएको छ । मतदानस्थमा घेराबार गर्ने, सर्वदलीय बैठक बसाल्ने, विभिन्न किसिमका निर्वाचन सूचना टाँस गर्ने, मतदाता परिचयपत्र वितरण गर्ने, मतदानस्थलमा मतदाता शिक्षा दिने जस्ता कार्यक्रम अगाडि बढाइएको जिल्ला निर्वाचन कार्यालयका प्रमुख रुक्मागत अर्यालले जानकारी दिए।
मतदानका लागि चाहिने मतपत्र रुजु गरेर मतदान अधिकृतहरुको जिम्मा लगाइएको मुख्य निर्वाचन अधिकृतको कार्यालयका सहायक निर्वाचन अधिकृत भेषराज खनालले बताउनुभयो । निर्वाचनका लागि २४७ मतदान अधिकृत र सहायक मतदान अधिकृतसहित एक हजार ९७१ कर्मचारी, एक हजार ८० म्यादी प्रहरी, ७०४ नेपाल प्रहरी, २१८ जना सशस्त्र प्रहरी, ४१६ नेपाली सेना खटिएका छन् ।
जिल्लामा एक लाख ९९ हजार ६९० मतदाता रहेका छन् । स्थानीय तह निर्वाचनलाई स्वच्छ, निष्पक्ष, भयरहित बनाउन चारवटै सुरक्षा निकायको व्यवस्थापन तथा खटनपटनलाई चुस्तदुरुस्त पारिएको छ । जिल्लामा ११८ मतदानस्थलमध्ये ५७ सामान्य, ४५ संवेदनशील र १६ अति संवेदनशील रहेका जनाइएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबाँकेका विभिन्न सामुदायिक वनमा डढेलो
बैशाख ९, २०८१ आइतबार
लुम्बिनीमा तीन सांसद रहेको जसपाले छाड्यो सरकार
बैशाख ९, २०८१ आइतबार
डढेलोले तीन जिल्लाका सय बढी घरगोठ जले, चार घाइते
बैशाख ९, २०८१ आइतबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
कतारका अमिर र प्रधानमन्त्री प्रचण्डबीच आज द्विपक्षीय भेटवार्ता
बैशाख १२, २०८१ बुधबार
यी तीन प्रदेशमा आज मेघ गर्जनसहित वर्षा हुने
बैशाख १२, २०८१ बुधबार
यस्तो छ आजको राशिफल
बैशाख १२, २०८१ बुधबार
गोरखा भूकम्पको सम्झनामा फोटो प्रदर्शनी हुने
बैशाख ११, २०८१ मंगलबार
रौतहटको करुनियामा आगलागीबाट ७ घर जलेर नष्ट, लाखौंको क्षति
बैशाख ११, २०८१ मंगलबार
निर्वाचनका कारण आजदेखि पूर्वी सीमानाका बन्द
बैशाख ११, २०८१ मंगलबार