प्रधानमन्त्री देउवाद्वारा पाँच हजार जना अट्ने क्षमताको बौद्व सम्मेलन केन्द्रको उद्घाटन

२ जेठ, लुम्बिनी । बुद्ध जयन्तीका अवासरमा नेपाल आउन लागेका भारतीय समकक्षी नरेन्द्र मोदीसँग भेटवार्ताका लागि आइतबार लुम्बिनी पुगेका प्रधानमन्त्री शेरबहादुर देउवाले बुद्व जन्मस्थल लुम्बिनीमा निर्माण गरिएको बौद्व सम्मेलन तथा ध्यान केन्द्रको उद्घाटन गरेका छन् ।

सोमबार बिहान आयोजिक समारोहका बीच प्रधानमन्त्री देउवाले केन्द्रको उद्घाटन गरेका हुन् । सो हल बनेपछि यो क्षेत्रमा हुने सम्मेलन र समारोहहरु सन्चालनका लागि सहज हुनेछ ।

यसअघिका प्रत्येक वर्ष अस्थायी हल निर्माण गरेर बुद्व जयन्ती समारोह मनाइँदै आएको थियो । यस्ता सम्मेलन र समारोह आयोजनाकालागि पाँच वर्ष अघि हल निमार्ण थालिएको थियो ।

यसवर्षको बुद्व जयन्तीका अवसरमा सोमबार यही हलमा नेपाल र भारतका प्रधानमन्त्रीद्वयले २५६६ औं बुद्व जयन्ती समारोहलाई सम्बोधन गर्ने कार्यक्रम छ । समारोहका लागि अहिले हल सिंगारेर चिटिक्क पारिएको छ । दुबै मुलुकका प्रधानमन्त्री सहभागी हुने भएपछि सुरक्षा व्यवस्था कडा बनाइएको छ ।