राष्ट्रपति सिद्धारा संयुक्त अरब इमिरेट्सका राष्ट्रपतिलाई बधाई

२ जेठ, बेइजिङ । चिनियाँ राष्ट्रपति सि जिनपिङले संयुक्त अरब इमिरेट्सका नव नियुक्त राष्ट्रपति शेख मोहम्मद बिन जाइद अल नयानलाई बधाई ज्ञापन गरेको छ ।

शेख मोहम्मद संयुक्त अरब इमिरेट्स्को नयाँ राष्ट्रपति चयन भएकामा उनले बधाई दिएको हो । नयाँ राष्ट्रपति शेख मोहम्मदको कार्यकालमा पनि चीन र संयुक्त अरब इमिरेट्सका बीचको सम्बन्ध थप सुमधुर र सुदृढ रहने सो सन्देशमा राष्ट्रपति सिले बताएको छ ।

शेख मोहम्मद शुक्रबार मात्र संयुक्त अरब इमिरेट्सको नयाँ राष्ट्रपतिमा नियुक्त भएको थियो । उनीसँग मिलेर काम गर्न चीन सदैव तत्पर रहेको भन्दै राष्ट्रपति सिले आगामी दिनमा चीन र संयुक्त अरब इमिरेट्स्को सम्बन्धलाई थप सुदृढ बनाउन मिलेर काम गर्ने बताएको छ ।