कामपा मतगणना अपडेट : स्थापितलाई ठूलो मतान्तरले पछाडी पार्दै बालेन अगाडि

२ जेठ, काठमाडौं । काठमाडौं महानगरपालिका स्वतन्त्र मेयर उम्मेदवार बालेन साहले आफ्ना निकटतम प्रतिस्पर्धी नेकपा एमालेका केशव स्थापितलाई ठूलो मतान्तरले पछाडी पारिरहेका छन्।

पछिल्लो मतगणना अनुसार उनले ७ हजार ५ सय ३४ मत प्राप्त गरेका छन्। मतगणना सुरु भएदेखिनै उनी अग्रस्थानमा छन्।

उनका निकटतम प्रतिद्धन्दी एमालेका केशव स्थापितले ३ हजार ९ सय ८२ मत प्राप्त गरेका छन्। बिहानदेखि दुई जनाले प्राप्त गरेको मत हेर्दा मतान्तरण बढ्दै गएको छ।

यसैगरी तेस्रो स्थानमा नेपाली कांग्रेसकी सिर्जना सिंह छिन्। उनले ३ हजार ४ सय ८६ मत प्राप्त गरेकी छिन्। राप्रपाका उम्मेदवार मदनदास श्रेष्ठ चौथौ स्थानमा छन्। उनले ५ सय २१ मत प्राप्त गरेका छन्।