तीस वर्षपछि एमालेको किल्ला भत्काउदै कांग्रेस

३ जेठ, काठमाडौं । नेपाली कांग्रेसले ३० वर्षपछि एमालेको किल्लाहरु भत्काउन थालेको छ । एमालेभन्दा दोब्बर संख्यामा स्थानीय तह जित्दै आएको कांग्रेसले तीस वर्षपछि आफ्नो उपस्थिति देखाएको छ ।

पूर्व एमाले नेता झलनाथ खनालको निर्वाचन क्षेत्र इलामको गोदकमा बहुदलपछि पहिलो पटक नेपाली कांग्रेसले जितेको छ । नेपाली कांग्रेसबाट वडाध्यक्षका उम्मेदवार बनेका दिलीप प्रधान ’ओमनाथ’ले सो क्षेत्रमा जितेका हुन् ।

विगतमा सो स्थानमा एमालेले जित्दै आएको थियो । ३१ वर्षदेखि सो स्थानमा एमालेले एकछत्र राज गरेको थियो । दिलीपको जितसँगै एमालेको किल्ला भत्किएको छ । उनले नेकपा एमालेका उम्मेदवार रोम लुङ्गेलीलाई ३६० मतले पछि पर्दै गोदकको वडाध्यक्ष बनेका छन् ।

दिलीपले एक हजार ४ सय ८ मत प्राप्त गरेका छन् भने लुङ्गीलेले एक हजार ४८ मत प्राप्त गरेका छन् । वडाध्यक्षमा दिलीपसहित गोदकमा नेपाली कांग्रेसको प्यानलै विजयी भएको छ ।

नेपाली कांग्रेसले स्थानीय तहको निर्वाचनमा नेकपा एमालेको किल्ला भत्काएको छ । धेरै वर्षदेखि एमालेको गढ मानिएको स्थानमा कांग्रेसले भत्काएको हो । कास्कीको माछापुच्छ्रे गाउँपालिकामा नेपाली कांग्रेसले बाजी मारेको छ ।

कांग्रेसले विभिन्न समयमा हुने निर्वाचनमा आफ्नो पक्षमा वडाध्यक्ष जित्न निकै सकस भयो । संगठन निर्माणमा जुटिरहयो त्यसको फल अहिलेको निर्वाचनमा आफ्नो पोल्टामा वडाध्यक्ष पार्यो । २६ वर्षपछि नारायण नगर पालिका–१ मा कांग्रेस उम्मेदवार सन्देशकुमार श्रेष्ठ विजयी भएका हुन् ।

अन्तिम मत परिणामअनुसार गाउँपालिका प्रमुखमा नेकपा एमालेका विक्रम गुरुङलाई ४८२ मतले पछि पार्दै नेपाली कांग्रेसका मिनबहादुर गुरुङले जितेका हुन् । उपप्रमुखमा पनि कांग्रेसकी सीता अधिकारीले एमालेकी सीता तिवारीलाई पराजित गरेकी हुन् ।

सीता अधिकारीले ६ हजार ३७६ मत पाउँदा सीता तिवारीले ५ हजार ९५१ मत ल्याएकी छन् । सोही पदमा नेकपा माओवादी केन्द्रकी प्रविणा अधिकारीले ९ सय ७३ मत ल्याएकी छन् । गाउँपालिकाको ९ वडामध्ये ७ वटा वडामा काँग्रेसले र २ वडामा एमालेले जित हासिल गरेको छ । यसअघि २०५४ र २०७४ मा एमालेले जितेको थियो ।

त्यसैगरी दैलेखको नारायण नगरपालिका–१ दैलेखको सदरमुकाम रहेको वडा हो । राजनीतिक हिसाबले निकै महत्वपूर्ण रुपमा हेरिने वडामा २६ वर्षपछि कांग्रेसले नेतृत्व लिने अवसर पाएको छ । २०५४ देखि निर्वाचनमा जित्दै आएको वडामा २६ वर्षपछि नेकपा एमालेले आफ्नो किल्ला गुमाएको हो ।

२०५३ सालमा स्थापना भएको नारायण नगरपालिकामा पहिलो चुनाव २०५४ मा भएको थियो । त्यसबेला एमालेबाट पहिलो वडाध्यक्षमा दिपबहादुर श्रेष्ठ निर्वाचित भएका थिए । त्यसयता राजाको प्रत्यक्ष शासनकालमा वडाध्यक्षहरु यामबहादुर मल्ल र यामु श्रेष्ठ मनोनित भएका थिए । २०७४ को स्थानीय चुनावमा नेकपा एमालेका तिर्थनारायण श्रेष्ठ विजयी भएका थिए ।

कांग्रेसले विभिन्न समयमा हुने निर्वाचनमा आफ्नो पक्षमा वडाध्यक्ष जित्न निकै सकस भयो । संगठन निर्माणमा जुटिरहयो त्यसको फल अहिलेको निर्वाचनमा आफ्नो पोल्टामा वडाध्यक्ष पार्यो । २६ वर्षपछि नारायण नगर पालिका–१ मा कांग्रेस उम्मेदवार सन्देशकुमार श्रेष्ठ विजयी भएका हुन् ।

३ सय ७८ मत ल्याएर विजयी भएका श्रेष्ठका निकटम प्रतिद्धन्द्धी एकिकृत समाजवादीका रमेशकुमार केसीले ३ सय ५८ मत ल्याएका थिए । २०५४ देखि जित्दै आएको नेकपा एमाले तेस्रो स्थानमा आयो। एमालेबाट वडाध्यक्षका उम्मेदवार मनोज थापाले ३ सय मत ल्याएका थिए। यसरी वडामा आफ्नो विरासत एमालेले यस पटकको निर्वाचनमा गुमाएको हो । दैलेखमा ११ स्थानीय तह र ९० वटा वडा रहेका छन्।

सोताङमा कांग्रेसका खिलराज बस्नेतले जित हात पारेका छन् । उनले एमालेका प्रकाश कार्कीलाई पराजित गरेका हुन् । त्यसैगरी एमालेकै किल्ला रहेको रामेछापको गोकुलगंगा गाउँपालिकामा पनि कांग्रेसले ३० वर्षपछि जीत हात पारेको छ ।

अघिल्लो स्थानीय तहको निर्वाचनमा नेकपा एमालेले ‘क्लिन स्विप’ गरेको धनकुटाका दुई पालिकामा नेपाली कांग्रेसले जित हात पारेको छ । निर्वाचन आयोगका अनुसार धनकुटाको छथर जोरपाटी गाउँपालिका र सागुरीगढी गाउँपालिकामा नेपाली कांग्रेसले जित हात पारेको हो । छथर जोरपाटी गाउँपालिकामा नेपाली कांग्रेसका छत्रबहादुर सुब्बा ४ हजार ३५९ मतसहित विजयी भएका हुन् ।

उनका प्रतिस्पर्धी नेकपा एमालेका शेर बहादुर लिम्बुले ४ हजार १६४ मत प्राप्त गरे। उपाध्यक्षमा पनि गठबन्धनको तर्फबाट माओवादी केन्द्रकी गीता गुरुङ विजयी भएकी छिन् । उनले एमालेकी गोमा कार्कीलाई पराजित गरेकी हुन् । त्यस्तै सागुरीगढी गाउँपालिकाको अध्यक्षमा नेपाली कांग्रेसका जितेन्द्र राई ५ हजार ३९९ मतका साथ विजयी भएका छन् । उनका प्रतिस्पर्धी एमालेका कुमारजंग याखाले ४ हजार ८२८ मत प्राप्त गरे। उपाध्यक्षमा भने एमालेकी मुना राई विजयी भइन ।

उनले जनता समाजवादी पार्टीका लिलाराज लावतीलाई पराजित गरेकी हुन्। धनकुटाको चौबिसे गाउँपालिकामा भने नेकपा एमाले विजयी भएको छ । त्यसैगरी सोलुखुम्बूको सोताङ गाउँपालिकामा पनि एमालेको गढ भत्किएको छ । २६ वर्षपछि अहिले कांग्रेसले चुनाव जित्ने अवसर पाएको छ ।

सोताङमा कांग्रेसका खिलराज बस्नेतले जित हात पारेका छन् । उनले एमालेका प्रकाश कार्कीलाई पराजित गरेका हुन् । त्यसैगरी एमालेकै किल्ला रहेको रामेछापको गोकुलगंगा गाउँपालिकामा पनि कांग्रेसले ३० वर्षपछि जीत हात पारेको छ ।