आजदेखि संघीय संसद्को अधिवेशन सुरु हुँदै, एमालेले प्रतिक्रिया नदिएपछि सभामुखले बोलाए कार्यव्यवस्थाको बैठक
नेपालबहस संवाददाता
जेठ ३, २०७९ मंगलबार १६:२८:११
३ जेठ, काठमाडौं । आजदेखि संघीय संसद्को दुवै सदनको अधिवेशन सुरु हुने भएको छ । मन्त्रिपरिषद्को सिफारिसमा राष्ट्रपति विद्यादेवी भण्डारीले मंगलबार दिनको ४ बजे बस्ने गरी दुबै सदनको बैठक आह्वान गरेकी छन् ।
संसद् बैठक बस्नुअघि प्रतिनिधि सभाका सभामुख अग्निप्रसाद सापकोटाले दिउँसो २ः३० बजे कार्यव्यवस्था परामर्श समितिको बैठक बोलाएका छन् । कार्यव्यवस्था परामर्श समितिको बैठकले कार्यसूचीलगायतका विषयमा निर्णय गर्नेछ ।
प्रतिनिधिसभाको बैठकको तयारीका बारेमा सभामुख सापकोटाले संसद सचिवालयसँग जानकारी लिएका थिए । बानेश्वरस्थित संघीय संसद् भवन रहेको सम्मेलन केन्द्रमा पुगेर उनले बैठकको तयारीका बारेमा जानकारी लिएको बताइएको छ ।
संघीय संसद् सचिवालयका तर्फबाट केही सम्भावित कार्यसूची सार्वजनिक भएको छ । वर्षे अधिवेशन पनि भएकाले सरकारको नीति तथा कार्यक्रम र बजेटसमेत यसै अधिवेशनमा प्रस्तुत हुनेछ । सम्भावित कार्यसूचीमा सभामुखले राष्ट्रपतिबाट प्राप्त अधिवेशन आह्वान्सम्बन्धी पत्रको व्यहोरा पढेर सुनाउने, राष्ट्रपति कार्यालयबाट प्राप्त मन्त्रिपरिषद् गठनसम्बन्धी पत्र वाचन गर्ने सम्भावित कार्यसूची छ ।
सभामुखले प्रतिनिधिसभा नियमावली, २०७५ अनुसार अध्यक्षता गर्ने सदस्यको मनोनयन गर्नेछन् । संघीय संसद् सचिवालयका अनुसार सम्भावित कार्यसूचीमा कानुन, न्याय तथा संसदीय मामिलामन्त्री गोविन्दप्रसाद शर्मा कोइरालाले ‘फौजदारी कसुर तथा फौजदारी कार्यविधिसम्बन्धी केही ऐनलाई संशोधन गर्ने अध्यादेश, २०७८ र ‘यौनहिंसाविरुद्धका केही ऐनलाई संशोधन गर्ने अध्यादेश, २०७८’ पेस गर्नेछन् ।
अर्थमन्त्री जनार्दन शर्माले आगामी आर्थिक वर्षको विनियोजन विधेयकका सिद्धान्त र प्राथमिकतासम्बन्धमा प्रस्ताव प्रस्तुत गर्ने कार्यसूची राखिएको छ । उनले आगामी आर्थिक वर्षको बजेट सार्वजनिकका लागि आवश्य सबै तयारी पुरा भएको र संसदमा नियमानुसार छलफलमा समय नपुग्ने भएको भन्दै नियमावली निलम्बन गर्न प्रस्ताव गरिसकेका छन् ।
यता, प्रमुख प्रतिपक्षी दल नेकपा एमालेले संसद् सञ्चालनका विषयमा कुनै प्रतिक्रिया जनाएको छैन् । सत्ता पक्षले अगाडीको जस्तै एमालेले यो अधिवेशन पनि चल्न नदिने आसंका गरेका छन् । एमालेले संसद अवरोध गरे बजेट पारित गराउन समस्या हुनेछ । यस विषयमा पनि दलका नेताहरुसँग सभापुख सापकोटाले छलफल गर्दैछन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
सत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
इलाम क्षेत्र न. २ मा कांग्रेस र स्वतन्त्रको देखियो चहलपहल
यज्ञप्रसाद भट्टराई
बैशाख ८, २०८१ शनिबार
हार्दिक पाण्डेयलाई १२ लाख जरीवाना
नेपालबहस संवाददाता
बैशाख ७, २०८१ शुक्रबार
अभिनेत्री शिल्पाका पति कुन्द्राको ९८ करोड सम्पति जफत
नेपालबहस संवाददाता
बैशाख ६, २०८१ बिहिबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार
सिंगापुरमा एभरेष्ट मसला माथी प्रतिबन्ध, किटनाशक औषधी हालिएको खुलासा
बैशाख ८, २०८१ शनिबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
राहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
सुधारिनेभन्दा झन् अराजक बाटोमा डौडिरहेको राजनीतिलाई कसले बाटोमा ल्याउने ?
बैशाख ८, २०८१ शनिबार
अब आन्तरिक कलह हट्नुपर्छ : नेतान्याहु
बैशाख ८, २०८१ शनिबार
सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
बैशाख ८, २०८१ शनिबार
आगो निभाउन गएको दमकल दुर्घटना, ६ जना घाइते
बैशाख ८, २०८१ शनिबार