प्रधानमन्त्री देउवाका सहोदर भाइ प्रेमबहादुर देउवाको निधन

३ जेठ, काठमाडौं । प्रधानमन्त्री एवं कांग्रेस सभापति शेरबहादुर देउवाका सहोदर भाइ प्रेमबहादुर देउवाको निधन भएको छ।

क्यान्सर रोगबाट पीडित प्रेमबहादुरको वीर अस्पतालमा उपचारका क्रममा मंगलवार बिहान निधन भएको हो । उनको आजै पशुपति आर्यघाटमा अन्त्येष्टिको गरिदै छ । प्रेमबहादुर फोक्सोको क्यान्सरबाट पीडित थिए ।

प्रेमबहादुर नेपाली कांग्रेस कंचनपुरका धरोहर, कंचनपुर २ का अभिभावकीय व्यक्तित्व, पञ्चायतकालीन समयदेखि नै निरन्तर लोकतन्त्रका लागि संघर्ष समेत गरेका थिए।

यसैबीच, प्रेमबहादुर देउवाको निधनप्रति कांग्रेसका नेता डा. शेखर कोइरालाले दुख व्यक्त गरेका छन् । उनले प्रेमबहादुर देउवाको निधनको खबरले अत्यन्त स्तब्ध र मर्माहत भएको नेपालबहस डटकमलाई बताए ।