माओवादीको विराेधले धरानमा मत गणना रोकियो

४ जेठ, विराटनगर । माओवादी केन्द्रका कार्यकताले मत परिमाणमा असन्तुष्टि देखाएपछि धरान उपमहानगरपालिकाको मत गणना अवरुद्ध भएको छ ।

नेकपा माओवादी केन्द्रका कार्यकर्ताले वडा नम्बर २० को मत परिमाणममा असन्तुष्टि जनाउँदै प्रदर्शनमा उत्रिएपछि मत गणना अवरुद्ध भएको हो ।

मत गणनामा धरानको मेयरमा स्वतन्त्र उम्मेदवार हर्क साम्पाङले अग्रता लिइरहेका छन् । उनले ८ हजार ४६ मत पाउँदा नेपाली कांग्रेसका उम्मेदवार किशोर राई ७ हजार ९९६ मत ल्याउँदै पछ्याइरहेका छन् ।

तेस्रो स्थानमा रहेकी नेकपा एमालेकी मञ्जु भण्डारी सुवेदीले ६ हजार ६१० मत पाएकी छन् ।